Իրավական13:30, 15 Հունիս 2016
ՄԱԿ-ի մարդու իրավունքների խորհրդում Թուրքիային ուղղված քննադատություններ են հնչեցվել
Հունիսի 13-ին Շվեյցարիայի Ժնև քաղաքում մեկնարկել է ՄԱԿ-ի մարդու իրավունքների հարցերով խորհրդի 32-րդ նստաշրջանը, որը շարունակվելու է մինչև հուլիսի 1-ը: Թուրքական «Evrensel.net» լրատվակայքի տեղեկացմամբ՝ նստաշրջանի հենց առաջին օրերից Թուրքիային ուղղված խիստ քննադատություններ են հնչեցվել:
Նստաշրջանի շրջանակներում ելույթ ունեցած ՄԱԿ-ի մարդու իրավունքների գերագույն հանձնակատար Զեիդ Ռաադ ալ Հուսեյնը իր մտահոգությունն է հայտնել Թուրքիայում տեղի ունեցող իրավախախտումների առթիվ:
Իսկ մարդու իրավունքների միջազգային ֆեդերացիայի լիգայի անունից հանդես եկող Նիկոլաս Ագոստինին, կիսելով ալ Հուսեյնի մտահոգությունները, ընդգծել է, որ Թուրքիայի իշխող «Արդարություն և զարգացում» կուսակցության (ԱԶԿ- AKP) կառավարությունը ահաբեկիչ է համարում և ճնշում է բոլոր այն ընդդիմադիրներին, լրագրողներին, իրավաբաններին ու մարդու իրավունքների պաշտպաններին, ովքեր ԱԶԿ-ից տարբերվող տեսակետներով են հանդես գալիս:
Ագոստինին մտահոգիչ է համարել Թուրքիայի հարավ-արևելքում տեղի ունեցող իրադարձությունները՝ կոչ անելով Թուրքիային՝ հարգել մարդու հիմնարար իրավունքները: Նա կարծիք է հայտնել, որ այս առումով Թուրքիայի վրա անհրաժեշտ է ճնշում գործադրել:
Իսկ "İnternational Fellowship of Reconciliastion" -ի խոսնակ Դերեք Բրեթը քննադատել է այն հանգամանքը, որ երկրի քրդաբնակ շրջաններում տեղի ունեցող մարդու իրավունքների խախտումների դեմ պայքարող իրավապաշտպանները Թուրքիայում որակվում են որպես ահաբեկիչներ:
Բրեթը կոչ է արել Թուրքիային՝ ընդունել և թույլ տալ, որպեսզի Եվրամիության դիտորդները այդ խախտումների վերաբերյալ հետաքննություն անցկացնեն: Բրեթը նաև ընդգծել է, որ «ահաբեկչության դեմ պայքարի» անվան տակ Թուրքիան իրականում ոտնահարում է միջազգային իրավունքի սկզբունքները:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |