Իրավական13:43, 10 Հունիս 2016
Ստամբուլում կայացել է «Ակոս»-ին ուղղված սպառնալիքների քրգործով դատական նիստը
Ստամբուլի առաջին ատյանի քրեկան դատարանում կայացել է Թուրքիայի հայկական «Ակոս» թերթին ուղղված վիրավորանքների և սպառնալիքների քրգործով դատական նիստը: Թուրքական «Cumhuriyet» թերթի կայքի տեղեկացմամբ՝ նիստին ներկա են գտնվել մեղադրյալներն ու կողմերի փաստաբանները, իսկ մեղադրող կողմ հանդիսացող «Ակոս» -ի գլխավոր խմբագիր Էդվարդ Դանզիկյանը նիստին չի մասնակցել:
Գործով մեղադրյալներ Թուրքիայի ազգայնական կուսակցության Ստամբուլի նահանգային կառույցի ղեկավար Բիլալ Գյոքչեյուրթը և «Թուրանյան օջախներ» (Turan Ocakları) ազգայնական խմբավորման ղեկավար Էրջան Ուրչարը հերքել են իրենց ուղղված մեղադրանքները:
Միջանկյալ նշենք, որ 2015թ. ապրիլի 24-ին «Ակոս»-ի խմբագրատան շենքի դիմաց սև ծաղկեպսակ էր դրվել և «Ակոս»-ին ուղղված վիրավորանքներ ու սպառնալիքներ պարունակող թռուցիկներ էին բաժանվել: Այնուհետև մեղադրյալները հանդես էին եկել նույնաբովանդակ մամլո հաղորդագրությամբ և այդ տեքստը տարածվել էր նաև սոցիալական ցանցերում: «Ակոս»-ը մեղադրվել էր ղարաբաղյան հարցում Հայաստանին աջակցելու մեջ, հնչեցվել էր «մի օր անսպասելի կվերադառնանք» սպառնալիքը:
Նիստի ժամանակ մեղադրյալնեը պնդել են, որ իրենք չեն ճանաչում ոչ 2007թ. սպանված թերթի նախկին խմբագիր Հրանտ Դինքին , ոչ էլ ներկայիս խմբագիր Էդվարդ Դանզիկյանին: Նրանց նպատակը եղել է իրենց բողոքն արտահայտել Թուրքիայի կողմից չճանաչված Հայոց ցեղասպանության և Լեռնային Ղարաբաղի հարցում հայամետ հրապարակումներ կատարող «Ակոս»-ի գործունեության դեմ և պետության ուշադրությունը հրավիրել թեմայի վրա:
Իսկ որպես վկա հանդես եկած Ֆեթհիյե Չեթինը, ով նաև «Ակոս»-ի փաստաբանն է, նկարագրելով դեպքի օրը տեղի ունեցած իրադարձությունները՝ նշել է, որ Հրանտ Դինքի սպանությունից առաջ էլ «Ակոս»-ին ուղղված նմանատիպ հայտարարություններ ու սպառնալիքներ, հայատյաց կոչեր էին հնչեցվել: Այդ պատճառով էլ դեպքը անհանգստացրել է թերթի աշխատակիցներին:
Դատարանը միջանկյալ որոշում է կայացրել մեղադրող կողմ հանդիսացող Էդվարդ Դանզիկյանին հարկադրաբար դատարանի դահլիճ բերելու մասին: Միաժամանակ մերժել է մեղադրյալների առաջադրած վկայի հարցաքննությունը: Նիստը հետաձգվել է:
Նշենք, որ Ստամբուլի գլխավոր հանրապետական դատախազության կողմից կազմված մեղադրական եզրակացությամբ արձանագրվել էր, որ կասկածյալները անհիմն մեղադրնաքներ են ուղղել «Ակոս»-ի խմբագիր Էդվարդ Դանզիկյանին, ով լինելով Թուրքիայի քաղաքացի և Հայաստանի իշխանությունների վրա ազդեցության որևէ լծակ չունենալով, չէր կարող որևէ դեր խաղալ ղարաբաղյան հարցում Հայաստանի քայլերի ընտրության մեջ: Վիրավորանքներ և սպառնալիքներ հնչեցնելու մեղադրանքով պահանջվել էր մեղադրյալների համար որպես պատիժ սահմանել 9 ամսից մինչև 4 տարի ազատազրկում :
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
Սոցցանցերի թուրքական տիրույթում տարածվել էր Շրայդերի հարցազրույցից հատված, որում նշել է, թե նախորդ օրը արձակված իրանական հրթիռներից որևէ մեկը չի անցել Իսրայելի տարածքը։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |