Ցեղասպանություն07:39, 06 Հունիս 2016
Էրդողանը հիշեցրել է ներգաղթյալ հայերին Թուրքիայից վտարելու հնարավորության մասին
Թուրքիայի նախագահ Ռեջեփ Թայիփ Էրդողանը Սաբահաթթին Զաիմ Համալսարանում ծավալուն ելույթով անդրադարձել է Գերմանիայի խորհրդարանի կողմից Հայոց ցեղասպանության ճանաչմանը:
Ըստ թուրքական «Haberler.com» լրատվական կայքի` Էրդողանը, նշելով, որ Գերմանիայի հետ հարաբերություններն այլևս նախկինի պես չեն լինելու, ասել է. «Հեյ Գերմանիա, նորից եմ կրկնում` նախ պետք է Հոլոքոստի պատասխանը տաս: Նամիբիայում ավելի քան 100 հազար մարդ եք սպանել, դրա պատասխանն էլ պետք է տաք: Եթե կան երկրներ, որոնք իրենց խորհրդարաններում թուրքերի կամ Թուրքիայի դեմ այսպես կոչված Հայոց ցեղասպանության բանաձև են քվեարկության դնում, ապա դուք դրա իրավունքն ունեցող ամենավերջին երկիրն եք»:
Ըստ էրդողանի՝ իր երկրի և Գերմանիայի տարբերությունն այն է, որ Թուրքիայի պատմությունը կոտորածների պատմություն չէ:
Շարունակելով խոսքը` Թուրքիայի նախագահը կրկին հիշել է այդ երկրում ապրող հայերի թեման, որոնց մի մասն այնտեղ բնակվում է առանց անհրաժեշտ փաստաթղթերի:
«Թուրքիայում 100 հազար հայ է բնակվում, որոնց մի մասը մեր քաղաքացիներն են, մյուս մասը` ոչ: Մենք Հայաստանից եկածներին հյուրընկալում ենք այնպես, ինչպես` Սիրիայից և Իրաքից եկածներին: Մի՞թե ներելի է այդ մարդկանց (գերմանացիների-խմբ.) արածը Թուրքիայի նման սիրալիր մոտեցում ունեցող երկրի հանդեպ: Մենք կարող էինք այլ կերպ վարվել: Եթե մենք հայերի հանդեպ թշնամական տրամադրված երկիր լինեինք, բոլոր Թուրքիա եկածներին հետ կուղարկեինք Հայաստան»,-ասել է Էրդողանը:
Թուրքիայի նախագահը ժխտել է նաև հայկական եկեղեցիները քանդելու կամ բռնագրավելու փաստերը` ասելով, որ իրենք վերադարձնում են հայկական գույքը:
Անցնելով Թուրքիայի իշխանությունների և անձամբ իր կողմից առաջարկված պատմաբանների հանձնաժողովի տխրահռչակ առաջարկին` Էրդողանն ասել է. «Եթե վստահ եք ձեզ վրա, ուղարկեք ձեր իրավաբաններին, հնագետներին ու պատմաբաններին: Ցանկացած երկրից թող գան ուսումնասիրեն արխիվները: Եթե այնտեղից ինչ-որ բան կգտնվի, մենք պատրաստ ենք բոլորի հետ առերեսվել»:
Կրկին դիմելով Գերմանիայի իշխանություններին` Էրդողանն ասել է. «Եթե դուք մարդկության դեմ իրականացրած ձեր հանցանքներին մեղսակից եք որոնում, ապա դա մենք չենք: Գնացեք այդ հանցակցին ուրիշ տեղ փնտրեք»:
Ավարտելով խոսքը` Էրդողանն ասել է, որ իրենք թուլ չեն տա ամեն անգամ այս թեման որպես մահակ օգտագործվի Թուրքիային հարվածելու համար:
Այս ենթաբաժնի վերջին նորությունները
Բասքըն Օրանը, մի քանի օրինակներով համեմատելով անցյալն ու ներկան, պարզ ցույց է տալիս թուրքական պետական քարոզչության ողջ սնանկությունը։
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Մինչ Թուրքիայի հայերը պետք է ապրեն ժխտողական այս մթնոլորտում, աշխարհասփյուռ հայերը ստիպված են դիմանալ իրենց ընտանքի մեծերի հիշողությունների մշտական ցավին՝ հեռու իրենց նախնիներից ու հողերից։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
«Պաշտոնական Անկարան ձգտում է ակնհայտորեն լճացած գործընթացի միջոցով հնարավորինս նվազեցնել Մեծ Եղեռնի ազդեցության քաղաքական բաղադրիչը»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |