Թուրքիայում զինված հարձակում է կատարվել Ջան Դյունդարի դեմ (տեսանյութ)

Իրավական08:54, 07 Մայիս 2016

Թուրքիայում զինված հարձակում է կատարվել Ջան Դյունդարի դեմ (տեսանյութ)

Մայիսի 6-ին Թուրքիայի մայրաքաղաք Անկարայում՝ դատարանի շենքի դիմաց զինված հարձակման է ենթարկվել ընդդիմադիր «Cumhuriyet» թերթի գլխավոր խմբագիր Ջան Դյունդարը։ Դեպքը տեղի է ունեցել Դյունդարի և լրագրող Էրդեմ Գյուլի դեմ գործով դատական վճռի հրապարակումից առաջ։

Ինչպես տեղեկացնում է թուրքական «SÖZCÜ» թերթը, հարձակումն իրականացրել է 40-ամյա սիվասցի Մուրադ Շահինը։ Վերջինիս կրակելու պահին խանգարել են Դյունդարի կինը՝ Դիլեք Դյունդարը և ընդդիմադիր «Ժողովրդահանրապետական կուսակցության» (ԺՀԿ-CHP) պատգամավոր Մուհարրեմ Էրքեքը։ Շահինը ձերբակալվել է դեպքի վայր ժամանած ոստիկանների կողմից։ Հարձակման հետևանքով վիրավորվել է թուրքական «NTV» հեռուստաալիքի լրագրողը։

Ձերբակալման պահին Մուրադ Շահինն ասել է, որ հարձակումը կատարել է հանունի հայրենիքի և ազգի սիրո։ «Արել եմ, քանի որ կարծում եմ՝ սա (Ջան Դյունդարը-EHA) դավաճանել է հայրենիքը։ Արևելքում ամեն օր զինվոր է մահանում, իսկ սա այստեղ դավաճանութուն է անում»,-ասել է Շահինը։

Նշենք, որ հարձակումից հետո դատարանը Դյունդարին և լրագրող Էրդեմ Գյուլին մեղավոր ճանաչեց պետական գաղտնիք հրապարկելու համար և դատապարտեց հմապատասխանաբար 5 տարի 10 ամսվա ու 5 տարվա ազատազրկման։

Տեսանյութը՝ այստեղ

Աղբյուր` Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։