Տարածաշրջան07:47, 13 Ապրիլ 2016
Թուրք պրոֆեսորի կարծիքով՝ Հայաստանը մինչև ատամները զինված երկիր է
Թուրքիայի Ռազմավարական միտք ինստիտուտում «Ադրբեջանահայկական լարվածությունը և սառեցված խնդիրները Կովկասում» թեմայով քննարկում է կազմակերպվել: Քննարկման բանախոսները գլխավորապես հանդես են եկել ադրբեջանական թեզերի պաշտպանության դիրքերից:
Ըստ թուրքական «Memleket.com» լրատվական կայքի Աթըլըմ համալսարանի միջազգային հարաբերությունների ամբիոնի վարիչ դոկտոր, պրոֆեսոր Հասան Ալի Քարասարը նշել է, որ Հայաստանը կարողանում է Լեռնային Ղարաբաղը վերահսկել Ռուսաստանի կողմից ստացած զենքերի շնորհիվ միայն:
«Պատկերացրեք, 3 միլիոնանոց Հայաստան, որը չունի բնական պաշարներ, տնտեսությունը շատ թույլ է, սակայն Ռուսաստանի կողմից մինչև ատամները զինված երկիր է»:
Քարասարը մեղադրել է նաև Մինսկի խմբին` ասելով, որ խումբը գործունեության 24 տարվա ընթացքում հակամարտության կարգավորման հետ կապված որևէ առաջընթաց չի կարողացել գրանցել:
Թուրք պրոֆեսորի կարծիքով վերջին բախումների հետևանքով առաջացած ճգնաժամը Ադրբեջանը կարողացել է ճիշտ կառավարել:
«Ադրբեջանը, հաջողակ գտնվելով կարճ հարվածային գործողությունների ժամանակ, կարողացավ նաև ճիշտ կազմակերպել գործողությունները դիվանագիտական ասպարեզում», - ասել է Քարասարը:
Թուրքիայի վարչապետի գլխավոր խորհրդական Սեվինչ Ալքան Օզջանն էլ նշել է, որ ղարաբաղյան հակամարտությունը ճիշտ կլինի դիտարկել Ուկրաինայի և Ղրիմի ճգնաժամների հետ միասին` քննադատելով նշյալ հակամարտությունների վերաբերյալ Ռուսաստանի քաղաքականությունը:
Օզջանն ավելացրել է նաև, որ Լեռնային Ղարաբաղի հիմնախնդիրը Թուրքիային ուղղակիորեն հետաքրքրող թեմա է և Թուրքիան պետք է «տեր կանգնի այդ խնդրին»:
Այս ենթաբաժնի վերջին նորությունները
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։
«AFAD»-ի հայտարարության համաձայն՝ հետցնցումները կանխատեսվել է, որ կմեղմանան և կավարտվեն առաջիկա մի քանի շաբաթների ընթացքում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
Հրապարակվել է հոդված Հայաստանի տեխնոլոգիական ոլորտի զարգացման մասին։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Մի քանի րոպե անց մայրը նկատել է կատարվածը և դուրս է բերել նրան աղբարկղից:
Անթալիայի օդանավակայանը կարող է տարեկան սպասարկել շուրջ 82 մլն ուղևորի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |