Ղարաբաղ07:31, 07 Ապրիլ 2016
Yeni Akit. «Ղարաբաղյան բախումների թիրախում թուրքական գազատարի նախագծի խափանումն է»
Ապրիլի առաջին օրերին Ղարաբաղ-Ադրբեջան շփման գծում բռնկված մարտական գործողությունների վերաբերյալ թուրքական լրատվամիջոցներում ուշագրավ մեկնաբանություններ են հայտնվել:
Մասնավորապես իշխանամետ «Yeni Akit» թերթի կայքի համաձայն՝ այդ գործողությունների թիրախն իրականում ոչ այնքան Ղարաբաղի խնդիրն էր, որքան թուրքական տրանս - անատոլիական գազատարի նախագծի ( TANAP) խափանումը:
Աղբյուրի պնդմամբ՝ «Իսլամական պետության» (DEAŞ) և «Ժողովրդավարական միություն կուսակցության» (PYD) իրականացրած ահաբեկչության պատճառով Միջին Ասիայում հետաձգվում են թուրքական երեք կարևորագույն գազատարների նախագծերը: Իսկ Անդրկովկասում ահաբեկչական ուժերը փորձում են խափանել տրանս-անատոլիական գազատարի նախագիծը՝ Հայաստանի միջոցով հրահրելով ղարաբաղյան լարվածությունը:
Էներգետիկ տնտեսության հարցերով միջազգային ասոցիացիայի (IAEE) նախագահ Գուրքան Քումբարօղլուի խոսքով՝ խնդիրը ոչ այնքան ղարաբաղյան հակամարտությունն է, որքան այն, թե հինգ տարի հետո Եվրամիություն արտահանվող գազն ինչ ուղիով է ընթանալու: Նրա պնդմամբ՝ TANAP-ի շնորհիվ միանգամից 450 տոկոսով աճելու է Եվրամիություն (ԵՄ) արտահանվող ադրբեջանական գազի ծավալը: Ինչը, փաստորեն, կմեծացնի Ադրբեջանի եկամուտները, իսկ Հայաստանը այս ամենից անմասն կմնա:
«Սա ինքնին պատճառ է Հայաստանի համար՝ Կովկասում լարվածություն առաջացնելու: Սա նաև նշանակում է, որ կնվազի Եվրամիության կախվածությունը ռուսական գազից, հետևաբար կիջնեն ռուսական գազի գները: Եթե մարտական գործողությունները տարածվեն մինչև այն տարածքներ, որտեղով անցնում է TANAP-ը, ապա Թուրքիան և Ռուսաստանը ևս ստիպված կլինեն հակամարտության մեջ ներգրավվել»,- շեշտում է Քումբարօղլուն:
Նշենք, որ TANAP-ի շնորհիվ Կասպից ծովից արդյունահանված բնական գազ պիտի մատակարարվի Թուրքիա, այնուհետև՝ Եվրոպա: Գազատարի շահագործումը նախատեսվում է 2018-ին: Այն տարեկան կարտահանի շուրջ 16 մլրդ խմ. գազ: Իսկ սկսած 2026թ. տեղափոխվող գազի ծավալները կհասնեն տարեկան 31 խորանարդ մետրի: Ընդ որում, այդ պաշարներից միայն 6 միլիարդն է նախատեսված Թուրքիայի համար, իսկ մնացած գազը Թուրքիայի տարածքով կարտահանվի Եվրոպա:
Այս ենթաբաժնի վերջին նորությունները
Թուրքիայի նախագահը MIT- հիմնադրման 97-ամյակին նվիրված միջոցառմանն անդրադարձել է Լեռնային Ղարաբաղի խնդրին:
Ֆիդանը հանդիպելու է նաև Ադրբեջանի արտգործնախարար Ջեյհուն Բայրամովի հետ, որից հետո կողմերը մամուլի ասուլիս կտան։
Թուրքիայի խորհրդարանում ընդունվել է Աղդամի ռուս-թուրքական մշտադիտարկման կենտրոնում Թուրքիայի զինանձնակազմի ծառայության ժամկետը երկարաձգելու մասին նախագիծ:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |