Դեմիրթաշին և ընդդիմադիր ևս 4 պատգամավորի անձեռնամխելիությունից զրկելու իրավական գործընթաց է սկսվել

Իրավական10:21, 04 Մարտ 2016

Դեմիրթաշին և ընդդիմադիր ևս 4 պատգամավորի անձեռնամխելիությունից զրկելու իրավական գործընթաց է սկսվել

Թուրքիայի արդարադատության նախարարությունն ընթացք է տվել ընդդիմադիր քրդամետ «Ժողովուրդների դեմոկրատական կուսակցության» (HDP-ԺԴԿ) համանախագահներ Սելահաթթին Դեմիրթաշին, Ֆիգեն Յուքսեքդաղին, ինչպես նաև կուսակցության ևս 3 պատգամավորի անձեռնամխելիությունից զրկելու ուղղված իրավական գործընթացին: Թուրքական իշխանամետ «Sabah» պարբերականը գրում է, որ նախարարությունը քրդամետ կուսակցության պատգամավորներ Դեմիրթաշին, Յուքսեդաղին, Սելմա Ըրմաքին, Սըրրը Սյուրեյյա Օնդերին և Էրթուգրուլ Քյուրքչյուին անձռնամխելիությունից զրկելու առաջարկը ներկայացրել է կառավարություն: Արդարադատության նախարարությունը և կառավարությունն այդ առաջարկը համատեղ ուսումնասիրելուց հետո կուղարկեն Թուրքիայի խորհրդարան:

HDP-ի վերոնշյալ 5 ընդդիմադիր պատգամավորների դեմ իրավական գործընթացը սկսվել էր 2015 թվականին դեկտեմբերի 26-ին, երբ Դիարբեքիրի դատախազությունը հետաքննությունն էր սկսել՝ հիմք ընդունելով պատգամավորների ելույթները «Ժողովրդական հասարակություն կոնգրեսի» նիստի ժամանակ: Ինչպես հայտնում է թուրքական «medya365» լրատվական կայքը, պատգամավորներին «Ժողովրդին հրապարակավ ատելության և թշնամության մղելու» և «զինված ահաբեկչական կազմակերպությանն անդամակցելու» մեղադրանք էր ներկայացվել: Այնուհետև դատախազությունը սահմանադրությամբ հաստատված կարգով դիմել էր արդադատության նախարարություն՝ պատգամավորներին անձեռնամխելիությունից զրկելու պահանջով:

Աղբյուր` Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։