Հայ պատգամավորն առաջարկել է թուրքական անձնագրերից հանել կրոնի մասին տողը

Տարածաշրջան09:07, 14 Հունվար 2016

Հայ պատգամավորն առաջարկել է թուրքական անձնագրերից հանել կրոնի մասին տողը

Քրդամետ «Ժողովուրդների դեմոկրատական կուսակցության» (ԺԴԿ-HDP) հայազգի պատգամավոր Գարո Փայլանը առաջարկել է թուրքական ինքնության քարտերից հանել կրոնի մասին տեղեկության տողը և դադարեցնել «ազգության կոդի» կիրառումը:

Թուրքիայի մեջլիսում տեղի ունեցած քննարկումների ժամանակ ելույթ ունեցած Փայլանը նշել է, որ պետական մարմիններում ինքն անձամբ բազմաթիվ անգամ խտրական վերաբերմունքի է արժանացել ինքնության քարտում կրոնի դաշտում քրիստոնյա նշված լինելու համար:

Ըստ թուրքական «haberciniz.biz» լրատվական կայքի` ելույթում Փայլանը մասնավորապես ասել է. «Նայում էին անվանս ու անմիջապես շրջում էին քարտը ու նայում կրոնի դաշատին`քրիստոնյա: Այդ պատճառով բազմաթիվ անգամներ խտրական վերաբերմունքի եմ արժանացել: 1 օրում կատարվելիք գործը իմ համար մեկ շաբաթ կամ 10 օր էր տևում»:

Փայլանը քննադատել է նաև ինքնության քարտերում կիրառվող «ազգության կոդը»` նշելով, դա կիրառության մեջ է մտցվել դեռև «Թեշքիլաթը մահսուսա»-ի (Հատուկ կազմակերպություն) կողմից ու մինչ այժմ կիրառվում է Թուրքիայի Հանրապետությունում:

«Մեր` հայերիս կոդը 2-ն է, հույներինը` 1-ը, հրեաներինը`3-ը, Ասորիներինը`4-ը»,- հիշեցրել է Փայլանը` կոչ անելով վերացնել փոքրամասնությունների վերաբերյալ խտրական վերաբերմունքը:

Աղբյուր` Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: