Թուրքիայի խորհրդարանի հայ պատգամավոր. «Քրդերի նկատմամբ ցեղասպանություն է իրականացվում»

Քաղաքական08:52, 12 Հունվար 2016

Թուրքիայի խորհրդարանի հայ պատգամավոր. «Քրդերի նկատմամբ ցեղասպանություն է իրականացվում»

Թուրքիայի խորհրդարանի հայազգի պատգամավոր Գարո Փայլանը «IMC» հեռուստաընկերության եթերում իշխանությունների հասցեին սուր քննադատություններ է հնչեցրել` մեղադրելով նրանց քրդերի նկատմամբ ցեղասպանություն իրականացնելու մեջ:

Քրդամետ «Ժողովուրդների դեմոկրատական կուսակցության» (ԺԴԿ-HDP) կողմից ընտրված պատգամավորը նշել է, որ Թուրքիայի հանրապետության հիմնադիրները Հայոց ցեղասպանությունը իրականացնողներն են, որոնք այդպես էլ պատասխանատվության չենթարկվեցին:

Փայլանի դիտարկամամբ այսօր ևս քրդերի պահանջներին ի պատասխան նրանց նկատմամբ ցեղասպանություն է իրականացվում:

«Այսօր տեղի ունեցող իրադարձությունները ես նմանեցնում եմ 1913-1914 թթ. դեպքերին: Բնականաբար, հետևանքները նույնը չեն լինի, ինչ եղավ հայերի հետ, քանի որ քրդերը այսօր կազմակերպված են և ուժեղ: Սակայն, այնուամենայնիվ, մենք տեսնում ենք, որ այս իշխանությունները շատ անգութ են: Նրանք փորձում են քրդերով բնակեցված շրջաններն ամայացնել: Ես Սուրի շրջան գնացի: 1913 թվականին Սուրը շրջապատված էր տանկերով հրանոթներով: 100 տարի անց իշխանությունները Սուրում նույն իրավիճակն են ստեղծել: Այսօր էլ այդ շրջանը շրջապատված է տանկերով ու հրանոթներով», -ասել է նա:

Աղբյուր` Ermenihaber.am

Այս ենթաբաժնի վերջին նորությունները

17:16, 11 օգոս

Կայացել է Փաշինյան-Էրդողան հեռախոսազրույց

ՀՀ վարչապետը նշել է, որ Հայաստանի և Ադրբեջանի միջեւ խաղաղության հաստատումը տարածաշրջանային նոր որակի համագործակցություն հաստատելու հնարավորություն է ստեղծում։

13:07, 11 օգոս

Եգիպոստի և Թուրքիայի արտգործնախարարները քննարկել են երկողմ հարաբերությունները

Եգիպոսի արտգործնախարարը ողջունել է Թուրքիայի ներդրումները Եգիպտոսի առաջատար ոլորտներում և ընդգծել տարածաշրջանային հարցերի շուրջ համագործակցության ամրապնդման կարևորությունը։