Թուրքիայում շարունակվում են Ֆեթուլլահ Գյուլենի հետևորդների ձերբակալությունները

Իրավական09:43, 22 Դեկտեմբեր 2015

Թուրքիայում շարունակվում են Ֆեթուլլահ Գյուլենի հետևորդների ձերբակալությունները

Թուրքիայում ձերբակալվել է 14 ոստիկան, որոնք կասկածվում են գյուլենական շարժմանը մասնակից լինելու մեջ: «Haberturk» լրատվական ծառայությունը հայտնում է, որ Քոջաելի նահանգի ոստիկանական վարչությունը միաժամանակյա գործողություններ է իրականացրել 8 նահանգում և ձերբակալել տարբեր աստիճան ունեցող ոստիկանների:

Նշենք, որ նման գործողությունները գյուլեննականների դեմ սկսվել են դեռևս 2013 թվականի վերջից, երբ Թուրքիայում ծագած կոռուպցիոն սկանդալն ի հայտ էր բերել կառավարության անդամների կոռուպցիոն գործարքները: Թուրքիայի այն ժամանակվա վարչապետ Ռեջեփ Թայիփ Էրդողանը հայտարարել էր, որ սկանդալի հետևում կանգնած են իսլամի հայտնի քարոզիչ, ամերիկաբնակ թուրք միլիարդատեր Ֆեթուլլահ Գյուլենը և նրա հիմնած «Գյուլենական համայնքը»:

Թուրքիայում ազդեցիկ լծակների տիրապետող Գյուլենի հետևորդները ներգրավված են եղել հատկապես դատական համակարգում և ուժային կառույցներում: 2013թ. վերջում Թուրքիայում ծագած կոռուպցիոն սկանդալից հետո իշխանությունները սկսել են ամբողջ համակարգը գյուլենականներից «մաքրելու» գործընթաց: Երկրում պարբերաբար իրականացվում են ոստիկանական հատուկ գործողություններ «Զուգահեռ կառույցի» դեմ: Թուրքական իշխանական մամուլը «Գյուլենական համայնքն» անվանում է նաև «Զուգահեռ կառույց» և ասոցացնում ահաբեկչության հետ:

Աղբյուր` Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։