10 ամիս բանտարկություն՝ Էրդողանին վիրավորելու համար

Իրավական15:56, 15 Դեկտեմբեր 2015

10 ամիս բանտարկություն՝ Էրդողանին վիրավորելու համար

Թուրքիայի «Ժողովրդի փրկության կուսակցության» (HKP) Բայրաքլը նահագի տարածքային գրասենյակի ղեկավար Յուսուֆ Գենջերը Թուրքիայի նախագահ Ռեջեփ Թայիփ Էրդողանին վիրավորելու մեղադրանքով 10 ամսվա ազատազրկման է դատապարտվել:

Քրգործի հարուցման պատճառ է դարձել 2014թ. Թուրքիայի Սոմա հանքահորում 301 մարդու և Էրմենեքի հանքահորում 18 մարդու կյանք խլած պայթյունների թեմայով կուսակցության կազմակերպած մամուլի ասուլիսների ժամանակ Էրդողանին վիրավորող բովանդակությամբ պաստառներ ցուցադրելը:

Ըստ թուրքական «Posta» թերթի կայքի` դատարանը Գենջերին սկզբում դատապարտել է 1 տարվա ազատազրկման, ապա, հաշվի առնելով նրա կարգավիճակը, պատժաչափը կրճատել է 2 ամսով:

Դատավճռի առիթով իրենց դժգոհությունն են հայտնել դատարանի շենքի դիմաց հավաքված Գենջերի կուսակիցները:

Իսկ կուսակցության փոխքարտուղար Թաջեթթին Չոլաքը նշել է, որ նախագահին վիրավորելու վերաբերյալ դատավարությունների շարքը հասարակությանը վախեցնելու ու ահաբեկելու միջոցներից մեկն է դարձել` ավելացնելով, որ այդ դատավարությունների թիվն արդեն 1200-ի է հասել:

Աղբյուր` Ermenihaber.am

Այս ենթաբաժնի վերջին նորությունները

15:17, 12 սեպ

Եվրադատարանում ամենաշատ դիմումներ ունեցող երկիրը Թուրքիան է

Ընթացիկ տարվա տվյալների համաձայն՝ ՄԻԵԴ-ում քննվող 62.850 գործերից 21.800-ը վերաբերում է Թուրքիային։

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։