Իրավական07:59, 12 Դեկտեմբեր 2015
ԻՊ-ը եզդի կանանց է վաճառում Այնթափի շուկայում, Թուրքիայի իշխանությունները լռում են
Թուրքիայի Անթեպ (Այնթափ) քաղաքում «Իսլամական պետություն» ահաբեկչական խմբավորմանը պատկանող ստրուկների շուկայի հետ կապված հերթական դատական հայցն է ներկայացվել:
Թուրքական «siyasihaber1.org» լրատվակայքի համաձայն՝ Թուրքիայի ազգային մեծ ժողովի (ԹԱՄԺ-TBMM) պատգամավոր, ընդդիմադիր քրդամետ «Ժողովուրդների դեմոկրատական» կուսակցության (ԺԴԿ-HDP) ներկայացուցիչ, ազգությամբ եզդի Ֆելեքնազ Ուջան հարցում էր ներկայացրել ԹԱՄԺ, որին պետք է պատասխաներ Թուրքիայի ներքին գործերի նախարարությունը: Սակայն պատասխանատու պաշտոնյաներից մինչ օրս թեմային որևէ արձանգանք չի եղել:
Բացի այս, Թուրքիայում գործող երեք իրավապաշտպան կազմակերպություններ՝ «Առաջադիմական կանանց միությունը», Անթեփի իրավաբանների պալատը և «Բռնությամբ պահվող կանանց համար պայքարի հարթակը» տարբեր ժամանակներում խնդրի առթիվ 3 դատական գործ են հարուցել:
«Բռնությամբ պահվող կանանց համար պայքարի հարթակը» քրեական գործ է հարուցել՝ «մարդկանց առևտրի», «ազատության սահմանափակման», «ցեղասպանության», «գաղթականների անօրինական տեղափոխման» և «մարդկության հանդեպ հանցանք գործելու» մեղադրանքներով՝ հղում անելով Թուրքիայի քրեական օրենսգրքին ու «Անդրազգային կազմակերպված հանցագործությունների դեմ» ՄԱԿ-ի կոնվենցիային և մասնավորապես՝ դրան կից «Անձանց, հատկապես կանանց և երեխաների թրաֆիքինգը կանխարգելելու, զսպելու և պատժելու մասին» արձանագրությանը:
Կազմակերպությունը պահանջել է քրեական գործ հարուցել նաև այն թուրք պաշտոնյաների հանդեպ, ովքեր ավելի վաղ այս խնդրով հարուցված գործերին ընթացք չեն տվել կամ չեն զբաղվել խնդրի բացահայտման և կանխարգելման հարցերով, մինչև այն կհայտնվեր լրատվամիջոցների և հանրության ուշադրության կենտրոնում:
Հիշեցնենք, որ 2014թ. օգոստոսին Շանգալի վրա հարձակում գործած ԻՊ-ը գերի էր վերցրել շուրջ 7.000 եզդի կանանց և երեխաների, որոնցից միայն 1.500-ին էր հաջողվել սեփական միջոցներով փախչել: Ըստ վերջիններիս վկայությունների՝ գերիների վիճակը ծայրահեղ վատ է, նրանք մշտապես խոշտանգումների և սեռական բռնությունների են ենթարկվում:
Նշենք նաև, որ գերմանական AD TV-ին վերջերս փաստեր և տեսագրություններ էր հրապարակել այն մասին, որ ԻՊ-ն իր գերիներին վաճառքի է հանում ինտերնետում՝ այդ նպատակով օգտվելով Թուրքիայում գտնվող բյուրոների միջնորդությունից:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |