Իրավական11:24, 11 Դեկտեմբեր 2015
Թուրք փաստաբան. «Թուրքիան արագորեն վերածվում է բանտերի երկրի»
ՄԱԿ-ի կողմից «Մարդու իրավունքների համընդհանուր հռչակագրի» ընդունման 67-րդ տարեդարձի առթիվ Թուրքիայի Իզմիր քաղաքի փաստաբանների պալատի անդամ Նուրիե Քադանը մամուլի ասուլիս է հրավիրել: Ասուլիսին Քադանն ընդգծել է, որ Թուրքիան հետզհետե ավելի ու ավելի է ներառվում ահաբեկչության ցանցի մեջ:
«Նախ և առաջ ուզում ենք հասարակությանը հայտնել, որ ծայրաստիճան մտահոգված ենք այս գործընթացով, որը ոտնահարում է ամեն տեսակ մարդկային իրավունքները, իր խորը ազդեցությունն է թողնում հասարակության յուրաքանչյուր խավի վրա՝ մեծ վնաս հասցնելով մեր հոգևոր և հասարակական արժեքներին», - նկատել է թուրք փաստաբանը:
Քադանը նշել է, որ Թուրքիայում բանտերի ընդհանուր թիվը հասնում է 361-ի, իսկ քրեակատարողական հիմնարկներում 18 տարին չլրացած 2.165 երեխա է պատիժ կրում: Թուրքիայի բնակչությունը վերջին 15 տարում աճել է 24 տոկոսով, մինչդեռ բանտարկյալների և դատապարտվածների թիվն ավելացել է 234 տոկոսով:
«Այս տվյալներով Թուրքիան Եվրոպայում զբաղեցնում է 2-րդ, «Տնտեսական համագործակցության և զարգացման կազմակերպության» (OECD) երկրների շարքում 3-րդ, իսկ ողջ աշխարհում՝ 10-րդ տեղը: Ըստ արդարադատության նախարարության տեղեկատվության՝ 2015-ին կավարտվի 42 նոր բանտերի կառուցումը, որոնք կարող են ընդունել 26.380 բանտարկյալ: Այսպիսով, Թուրքիան մեծ արագությամբ վերածվում է բանտերի երկրի»,- ավելացրել է Քադանը:
Փաստաբանը նշել է նաև, որ 2015թ. ընթացքում Թուրքիայում 617 երեխա է մահացել: Տղամարդկանց կողմից սպանվել է 239 կին, ևս 1592 քաղաքացի սպանվել է իր աշխատանքի հետ կապված խնդիրների պատճառով:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |