Միջազգային07:11, 01 Դեկտեմբեր 2015
Հռոմի Պապը՝ ռուս-թուրքական լարվածության և Հայաստան այցի մասին
Հռոմի Ֆրանցիսկո 1-ին Պապը մեկնաբանություններ է արել ռուս-թուրքական լարված հարաբերությունների և Հայաստան կատարելիք իր հավանական այցի վերաբերյալ: Թուրքական «Milliyet» թերթի կայքի տեղեկացմամբ՝ դեպի աֆրիկյան երկրներ կատարած իր վեցօրյա ուղևորության ավարտին Հռոմի Պապը ինքնաթիռում պատասխանել է իրեն ուղեկցող լրագրողների հարցերին:
Իտալական «Le Repubblica» պարբերականի լրագրող Մարկո Անսալդոն հետևյալ հարցն է ուղղել կաթոլիկ աշխարհի հովվապետին. «Պատրաստվու՞մ եք արդյոք հայոց կոտորածների 101-րդ տարելիցին մեկնել Հայաստան, ինչպես Թուրքիա էիք մեկնել»:
Ի պատասխան Պապն ասել է.«Անցյալ տարի երեք պատրիարքի խոստացել եմ այցելել Հայաստան: Խոստում կա: Չգիտեմ՝ կկարողանամ արդյոք դա իրականացնել, թե ոչ, բայց խոստացել եմ»:
Նույն լրագրողը փորձել է պարզել նաև Վատիկանի դիրքորոշումը Թուրքիայի կողմից խոցված ռուսական ռազմական ինքնաթիռի պատճառով առաջացած լարվածությանը՝ հիշեցնելով , որ Պապը երբեմն նշում է, թե երրորդ համաշխարհային պատերազմն է ընթանում:
«Չգիտեմ ինչ է մտածում Վատիկանը: Անձամբ ես մտածում եմ, որ պատերազմը մեղք է: Մարդիկ ոչնչացվում են, տեղահանվում: Մարդկանց առևտրի և մի շարք այլ վատ բաների պատճառ են դառնում պատերազմները: Պատերազմները պետք է դադարեցվեն,- ասել է հովվապետը:
Լրագրողների խնդրանքով Պապն անդրադարձել է նաև Փարիզի կլիմայական փոփոխությունների գագաթնաժողովին՝ ընդգծելով, որ վստահում է Փարիզում հավաքված համաշխարհային լիդերներին և համոզված է , որ նրանք կարող են որոշակի լուծում գտնել երկրագունդը կլիմայական ճգնաժամից դուրս բերելու համար:
«Կամ հիմա, կամ երբեք: Քանի որ երկիրն ինքնասպանության եզրին է հասել», - նշել է Ֆրանցիսկո 1-ինը:
Այս ենթաբաժնի վերջին նորությունները
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:
Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Իտալական «Ինտերի» գլխավոր մարզիչ Սիմոնե Ինձագին և նույն թիմի կիսապաշտպան Հաքան Չալհանօղլուն որակազրկվել են Իտալիայի ֆուտբոլի առաջնության մեկ խաղով:
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
«Լրագրողներ առանց սահմանի» (RSF) միջազգային կազմակերպությունը հրապարակել է «Մամուլի ազատության ինդեքս 2025» ամենամյա զեկույցը։
Ստուգումներն իրականացվել են մի շարք հասարակական վայրերում և ստուգվել է 420.269 անձի ինքնությունը։
Միջոցառումները վերաբերում են էներգետիկ ոլորտին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |