Միջազգային13:52, 23 Նոյեմբեր 2015
Թուրքիան ցանկանում է ռուսական օդուժի գործողությունների հարցը տեղափոխել ՄԱԿ-ի Անվտանգության խորհուրդ
Թուրքիան պատրաստվում է ՄԱԿ-ի անվտանգության խորհրդում բարձրացնել Սիրիայում թուրքմենական գյուղերի ուղղությամբ ռուսական օդուժի հարվածների հարցը: Ինչպես փոխանցում է թուրքական «yeniakit» լրատվական կայքը, նոյեմբերի 22-ին Թուրքիայի վարչապետ Ահմե2 Դավութօղլուն անվտանգության ժողով է գումարել, որի ժամանակ քննարկվել էր թուրքմենների ուղղությամբ ռուսական օդուժի գործողությունների հարցը: Թուրքական կողմի ցանկությունը հարցը տեղափոխել ՄԱԿ-ի անվտանգության խորհրդի օրակարգ հաստատել է նաև «Reuters» լրատվական գործակալությունը՝ վկայակոչելով Թուրքիայի կառավարության իր աղբյուրները:
Դավութօղլուն մասնավորապես շեշտել է, որ «Իսլամական պետություն» (ԻՊ) ահաբեկչական կազմակերպության դեմ իրականացվող օպերացիաների ժամանակ չպետք է տուժի Սիրիայի խաղաղ բնակչությունը, այդ թվում՝ տեղաբնակ թուրքմենները: Տեղեկացրել է, որ իրենք դիվանագիտական ճանապարհով ամեն ինչ անելու են, որպեսզի պաշտպանեն Սիրիայում բնակվող թուրքմենների իրավունքները:
Նշենք, որ նախորդ շաբաթ ռուսական ավիահարվածների վերաբերյալ հայտարարություն էր արել Թուրքիայի Արտաքին գործերի նախարարությունը, որում նշված էր, թե այդ հարվածների թիրախ են դարձել ոչ թե ԻՊ-ի զինյալները, այլ այդ տարածքում ապրող թուրքմենները: Ավելի վաղ վերոնշյալի կապակցությամբ Թուրքիայի ԱԳՆ-ում Ռուսաստանի դեսպան Անդրեյ Կորլովից պարզապանումներ էին պահանջել:
Ռուսաստանի Դաշնության (ՌԴ) արտաքին գործերի նախարարության պաշտոնական ներկայացուցիչ Մարիա Զախարովան հայտարարել էր, որ իրենք արևմտյան երկրներից չեն ստացել որևէ պաշտոնական հայտարարություն, որտեղ նշված է եղել, որ օդային հարվածներից հետո սիրիացի խաղաղ բնակիչներ են զոհվել:
Այս ենթաբաժնի վերջին նորությունները
Հայտարարության մեջ կողմերին կոչ է արվել գործել ողջամիտ և խուսափել միակողմանի գործողություններից։
Որպես այլընտրանքային ուղիներ դիտարկվել են Հունաստանի և Բուլղարիայի օդային տարածքները:
Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքական մամուլում որպես պատճառ նշվում է իրանական նավթի ներկրումը:
Ինչպես հայտնում են ոլորտի մասնագետներն ու գիտնականները, այն երկիր մոլորակի մակերևույթին կհասնի մայիսի 8-ից 14-ն ընկած ժամանակահատվածում:
Իմամօղլուի փաստաբանը պարզաբանել է, թե ինչու է դատական գործընթաց սկսելու համար ընտրվել հենց մայիսի 6-ը։
Թուրքիայի արդարադատության նախարարությունը տվյալներ է հրապարակել դատապարտյալների թվի վերաբերյալ։
«Ես չեմ տեսնում ոչ մի նշան, որ իրավիճակը կգնա դեպի լավը»,- հավելել է Էքրեմ Բաքին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |