Ստամբուլի գիտաժողովը նվիրված կլինի քրիստոնյաների գույքի բռնագրավմանը

Գիտակրթական07:55, 17 Նոյեմբեր 2015

Ստամբուլի գիտաժողովը նվիրված կլինի քրիստոնյաների գույքի բռնագրավմանը

Նոյեմբերի 20-21-ին «Ոչնչացված քաղաքակրթություն. ոչ մուսուլմանների ունեցվածքը օսմանյան շրջանի վերջում և հանրապետական շրջանի սկզբում» խորագրով գիտաժողով կանցկացվի Ստամբուլում:

Ըստ Թուրքիայում հրատարակվող հայկական «Agos» թերթի կայքի` գիտաժողովն անցկացվելու է Հրանտ Դինքի հիմնադրամի, Բողազիչի համալսարանի պատմության ֆակուլտետի, Սաբանջը և Բիլգի համալսարանների համագործակցությամբ:

Գիտաժողովը, որին մասնակցում են գիտնականներ ինչպես Թուրքիայից, այնպես էլ արտասահմանից, կանցկացվի երեք լեզվով` հայերեն, թուրքերեն և անգլերեն:

Միջոցառման ընթացքում քննարկվելու են այնպիսի թեմաներ, ինչպիսիք են 1914-1924թթ. եվրոպական կապիտալը ներկայացնող ոչ մուսուլման առևտրականները, 1915-ին և դրանից հետո ոչ մուսուլմանների ունեցվածքի բռնագրավման և բաժանման գործընթացի քաղաքական, մշակութային և տնտեսական հետևանքները, ոչ մուսուլմանների կողմից հիմնադրված առևտրական ձեռնարկությունների պատմությունը, ոչ մուսուլման ձեռնարկատերերի` օսմանյան քաղաքների նկատմամբ ստանձնած բարեգործական պարտավորությունները, Անատոլիայից դեպի խոշոր քաղաքներ ձեռնարկատերերի գաղթը, ոչ մուսուլման առևտրականների և կրոնական համայնքների հարաբերությունները:

Աղբյուր` Ermenihaber.am

Այս ենթաբաժնի վերջին նորությունները

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։