Կրակել են Թուրքիայի գլխավոր ընդդիմադիր կուսակցության կենտրոնական գրասենյակի վրա

Տարածաշրջան10:52, 27 Հոկտեմբեր 2015

Կրակել են Թուրքիայի գլխավոր ընդդիմադիր կուսակցության կենտրոնական գրասենյակի վրա

Անհայտ անձը կամ անձինք կրակել են Թուրքիայի գլխավոր ընդդիմադիր «Ժողովրդահանրապետական կուսակցության» կենտրոնական գրասենյակի ուղղությամբ:

Ըստ թուրքական «Cumhuriyet» թերթի կայքի` կուսակցության գլխավոր քարտուղարը տեղեկացրել է, որ շենքին մոտեցել է անհայտ համարանիշով սև գույնի մեքենա, որի միջից կրակել են շենքի ուղղությամբ և հեռացել: Վերջինը նշել է, որ իրենք չեն ցանկանում այդ դեպքը բնութագրել որպես սովորական հարձակում, սակայն ամեն դեպքում սառնասրտություն կպահպանեն:

Կուսակցության փոխնախագահ Թեքին Բինգյոլն էլ նշել է, որ իրավապահ մարմինները խոստացել են 24 ժամվա ընթացքում բացահայտել դեպքը:

Հարձակումը դատապարտող հայտարարությամբ է հանդես եկել նաև կառավարող «Արդարություն և զարգացում կուսակցությունը» (ԱԶԿ-AKP):

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: