ԱՄՆ-ում կկայանա Թուրքիայում նկարահանված «հայերի բռնագաղթի» մասին ֆիլմի պրեմիերան

Մշակութային07:55, 26 Հոկտեմբեր 2015

ԱՄՆ-ում կկայանա Թուրքիայում նկարահանված «հայերի բռնագաղթի» մասին ֆիլմի պրեմիերան

ԱՄՆ-ում տեղի կունենա Հայոց ցեղասպանության 100-րդ տարելիցի կապակցությամբ Թուրքիայում նկարահանված, սակայն ցեղասպանությունը որպես բռնագաղթ ներկայացնող «Կորուսյալ թռչուններ» ֆիլմի շնորհանդեսը:

Ըստ թուրքական «Medyatava.net» կայքի` ֆիլմը նախատեսվում է ցուցադրել հոլիվուդյան «ARPA» միջազգային կինոփառատոնի բացման ժամանակ: Աղբյուրի հաղորդմամբ` «Grauman’s Egyptian» թատրոնում ցուցադրվելիք ֆիլմը Հոլիվուդում մեծ հետաքրքրություն է առաջացրել:

Տեղեկացնենք, որ 1915թ.-ի մասին Թուրքիայում նկարահանված առաջին գեղարվեստական լիամետրաժ ֆիլմի սցենարի հեղինակն ու համառեժիսորներն են հայազգի Արեն Փերդեջին և ազգությամբ թուրք Էլա Ալյամաչը: Գլխավոր դերերում նկարահանվել են ծագումով թուրք Դիլա Ուլուջան և Ահմեթ Ուզը, ինչպես նաև հայ դերասաններ Արտո Արսենյանն ու Հերոս Հակոբյանը: Ֆիլմի իրադարձությունները ծավալվում են Հայոց ցեղասպանության ընթացքում մի գիշերվա մեջ իրենց ողջ ընտանիքը կորցրած երեխաների՝ Մարիամի ու Պետոի՝ որոնումների շուրջ:

Աղբյուր` Ermenihaber.am

Այս ենթաբաժնի վերջին նորությունները

11:55, 15 ապր

Թուրքիայում կհեռարձակվի առաջին հայկական սերիալը

Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։

15:20, 11 ապր

Բուրսայում փլուզման եզրին գտնվող 300-ամյա հայկական եկեղեցին կվերածվի մշակութային կենտրոնի

Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու: