Տարածաշրջան08:02, 26 Հոկտեմբեր 2015
Ի պատասխան Անկարայի պայթյունների՝ Թուրքիան ԻՊ-ի 7 թիրախ է ոչնչացրել
Անկարան ուժեղացրել է «Իսլամական պետություն» (ԻՊ-İŞİD) ահաբեկչական կազմակերպության դեմ իրականացվող ռազմական գործողությունները՝ ի պատասխան Անկարայի պայթյունների:
Թուրքական «Sabah» թերթի կայքը տեղեկացնում է, որ օգոստոսի 28-ից մինչև հիմա թուրքական օդուժի կողմից իրականացված 18 ռազմական գործողության ընթացքում ԻՊ-ին պատկանող 22 թիրախ է ոչնչացվել: Թուրքիայի օդուժի F-16 կործանիչները հիմնականում գործողություններ են իրականացրել Հյուսիսային Սիրիայի Էբու Քեմալ, Սուրան, Դեր -Զոր, Վասիա քաղաքներում և ԻՊ-ի կողմից մայրաքաղաք հռչակված Ռաքքայում:
Նշվում է, որ մասնավորապես հոկտեմբերի 10-ին Անկարայում տեղի ունեցած և 102 մարդու կյանք խլած ահաբեկչական պայթյուններից հետո Թուրքիան արդեն 8 ռազմագործողություն է իրականացրել ԻՊ-ի դեմ՝ ոչնչացնելով ահաբեկիչների 7 թիրախ:
Հիշեցնենք, որ Անկարայի ահաբեկչությունից հետո թուրքական ոստիկանության իրականացրած հետաքննությունը պարզել էր, որ ԻՊ-ն անմիջական կապ է ունեցել նշյալ պայթյունների հետ:
Ըստ աղբյուրի՝ ԻՊ-ի դեմ պայքարում ԱՄՆ-ի գլխավորած միջազգային կոալիցիոն ուժերի մամուլի խոսնակ Սթիվ Ուորենն ընդգծել է, որ Թուրքիան օգոստոսից ի վեր մասնակցում է ԻՊ-ի դեմ իրականացվող գործողություններին, Ուորենը կարևորել է հակաահաբեկչական գործողություններում Թուրքիայի մասնակցությունն ու ներդրումը:
Այս ենթաբաժնի վերջին նորությունները
Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը:
Թուրքիայի արտգործնախարարի կարծիքով, միջազգային համակարգը չի կարողանում լուծել ո՛չ գլոբալ խնդիրները, ո՛չ էլ տարածաշրջանային հակամարտությունները։
Երկրաշարժը տեղի է ունեցել առավոտյան ժամը 8։24-ի սահմաններում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |