Թուրքիայում PKK-ն ահաբեկչական չհամարող փաստաբանին 7.5 տարվա ազատազրկում է սպառնում

Իրավական13:50, 26 Հոկտեմբեր 2015

Թուրքիայում PKK-ն ահաբեկչական չհամարող փաստաբանին 7.5 տարվա ազատազրկում է սպառնում

Թուրքիայում ահաբեկչական կազմակերպություն համարվող «Քուրդիստանի բանվորական կուսակցությանը» (ՔԲԿ-PKK) ոչ ահաբեկչական անվանած Դիարբեքիրի փաստաբանական պալատի նախագահ Թահիր Էլչիին 1.5-ից 7.5 տարի ազատազրկում է սպառնում:

Ըստ BBC-ի թուրքական ծառայության` դատարանը Էլչիի վերաբերյալ կազմված այս մեղադրական եզրակացությունն ընդունել-չընդունելու մասով 15 օրվա ընթացքում որոշում կկայացնի:

Թուրքիայում թեժ քննարկումների առիթ դարձած այդ հայտարարությունից հետո Էլչիի նկատմամբ գործ էր հարուցել Ստամբուլի Բաքըրքյոյի շրջանային դատախազությունը և ձերբակալման որոշում կայացնելու պահանջով դիմել նույն շրջանի դատարանին:

Օրեր առաջ Էլչին ձերբակալվել էր, այնուհետև երկրից չբացակայելու մասին ստորագրություն տալուց հետո բաց թողնվել:

Հիշեցնենք, որ CNN Türk-ի «Անկողմնակալ տարածաշրջան» հաղորդմանը մասնակող Դիարբեքիրի փաստաբանական պալատի նախագահ Թահիր Էլչին եթերից ասել էր. «PKK-ն ահաբեկչական կազմակերպություն չէ: Եթե նույնիսկ նրա որոշ գործողություններ ահաբեկչական են որակվում, միևնույնն է, PKK-ն զինված քաղաքական շարժում է: Քաղաքական պահանջներ ունեցող և հասարակության լուրջ աջակցությունը վայելող շարժում է»:

Աղբյուր` Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։