Իրավական08:51, 20 Հոկտեմբեր 2015
«PKK-ն ահաբեկչական կազմակերպություն չէ» ասելու համար ձերբակալվել է Դիարբեքիրի փաստաբանական պալատի նախագահը
Դիարբեքիրի փաստաբանական պալատի նախագահ Թահիր Էլչին, ով CNN Türk-ի եթերում հայտարարել էր, որ «Քուրդիստանի բանվորական կուսակցությունը» (ՔԲԿ-PKK) ահաբեկչական կազմակերպություն չէ, այս գիշեր ձերբակալվել է թուրքական ոստիկանության կողմից:
Թուրքիայում թեժ քննարկումների առիթ դարձած այդ հայտարարությունից հետո Էլչիի նկատմամբ գործ էր հարուցել Ստամբուլի Բաքըրքյոյի շրջանային դատախազությունը և ձերբակալման որոշում կայացնելու պահանջով դիմել նույն շրջանի դատարանին:
Ըստ թուրքական «Hurriyet» թերթի կայքի` ձերբակալման մասին դատարանի կայացրած որոշումից հետո Էլչին Դիարբեքիրում ձերբակալվել է և այսօր առավոտյան տեղափոխվել Ստամբուլ: Նրա դեմ առաջադրվել է «ահաբեկչական կազմակերպության օգտին քարոզչություն անելու» մեղադրանք:
Թուրքիայի փաստաբանական պալատն այս կապակցությամբ տարածած հայտարարության մեջ Թահիր Էլչիի ձերբակալությունը հակաօրինական քայլ է որակել:
Հիշեցնենք, որ CNN Türk-ի «Անկողմնակալ տարածաշրջան» հաղորդմանը մասնակող Դիարբեքիրի փաստաբանական պալատի նախագահ Թահիր Էլչին եթերից ասել էր. «PKK-ն ահաբեկչական կազմակերպություն չէ: Եթե նույնիսկ նրա որոշ գործողություններ ահաբեկչական են որակվում, միևնույնն է, PKK-ն զինված քաղաքական շարժում է: Քաղաքական պահանջներ ունեցող և հասարակության լուրջ աջակցությունը վայելող շարժում է»:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |