Ստամբուլի քաղաքապետարանը 111 մլն լիրա կվճարի հայկական գերեզմանոցի օտարված հողատարածքի դիմաց

Իրավական07:54, 05 Հոկտեմբեր 2015

Ստամբուլի քաղաքապետարանը 111 մլն լիրա կվճարի հայկական գերեզմանոցի օտարված հողատարածքի դիմաց

Ստամբուլի հայկական գերեզմանոցին պատկանող 4.474 քմ հողատարածքի համար Ստամբուլի քաղաքապետարանը հայկական կաթոլիկ Սուրբ Հակոբ հիվանդանոցի հիմնադրամին կվճարի 111 մլն 850.000 թուրքական լիրա (մոտ 37մլն 280.000 դոլար):

Սուրբ Հակոբ հիվանդանոցի հիմնադրամը նշյալ հողատարածքի համար դեռ 2 տարի առաջ էր դիմել դատարան: Ստամբուլի առաջին ատյանի ընդհանուր իրավասության դատարանում հարուցված գործի և երկու տարի տևած դատավարության արդյունքում դատարանը որոշում կայացրեց՝ Սուրբ Հակոբ հիվանդանոցի հիմնադրամին վճարել 11 մլն 850.000 թուրքական լիրա, քանի որ, ըստ մասնագետների գնահատման, այդքան էր կազմում նշյալ հողատարածքի վաճառքային գինը 2 տարի առաջ:

Դատարանի որոշմամբ հայկական հիմնադրամին կվճարվի նաև այդ գումարի որոշակի տոկոսները՝ 2 տարվա համար:

Թուրքիայի կադաստրային գրանցամատյանների համաձայն՝ Ստամբուլում գտնվող 41.430 քմ հողատարածքը 1936 թվականից ի վեր օգտագործվել է որպես հայկական գերեզմանատուն: 1971թ. այդ հողատարածքն առգրավվել էր պետության կողմից: Հայկական գերեզմանոցին պատկանող 4.474 քմ հատվածը Ստամբուլի քաղաքապետարանի կողմից օգտագործվել է ճանապարհներ, ստորգետնյա անցումներ, մայթեր կառուցելու համար:

Ավելի ուշ Թուրքիայի վարչապետ Ռեջեփ Թայիփ Էրդողանի՝ ազգային և կրոնական փոքրամասնություններին պատկանող անշարժ գույքի՝ իրենց իրական սեփականատերերին վերադարձնելու վերաբերյալ որոշմամբ հայկական գերեզմանոցի տարածքը վերադարձվել էր հայկական կաթոլիկ Սուրբ Հակոբ հիվանդանոցի հիմնադրամին: Սակայն գերեզմանոցին պատկանող այն 4.474 քմ հողատարածքը, որի վրա ճանապարհներ ու անցումներ էին կառուցվել, հայկական կողմին չէր վերադարձել:

Աղբյուր` Ermenihaber.am

Այս ենթաբաժնի վերջին նորությունները

18:43, 28 սեպ

Թուրքիայում արաբ լրագրողին ձերբակալելու որոշում է կայացվել

Աբդյուլազիզ Ալհաժիրի. «Կարծում եք ձեզնից վախենալո՞ւ եմ, ինչ է թե դուք ներքին գործերի նախարար եք»:

11:14, 28 սեպ

Թուրքիան Եվրոպայում կազմակերպված հանցագործության ցուցանիշով առաջինն է

Կազմակերպված հանցագործության դեմ պայքարի միջազգային նախաձեռնությունը հրապարակել է 2023-ի զեկույցը։

12:20, 27 սեպ

ՄԻԵԴ-ն ընդդեմ Թուրքիայի որոշում է կայացրել

Թուրքիան խախտել է Եվրոպայի մարդու իրավունքների կոնվենցիայի երեք կետ:

Ուղիղ խոսք

Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում

Թուրքիայի նախագահ Ռեջեփ Թայիփ Էրդողան

ամենաշատ ընթերցված

ԱՄՆ-ն պատժամիջոցներ է սահմանել Թուրքիայի մի շարք քաղաքացիների և ընկերությունների նկատմամբ

ԱՄՆ ֆինանսների նախարարության ահաբեկչության և ֆինանսական հետախուզության հարցերով քարտուղարի տեղակալը Հայտարարել է մի շարք երկրների նկատմամբ նոր պատժամիջոցների մասին: