Դավութօղլու. «Մեզ համար կարևոր է Ադրբեջանի սահմանների պահպանությունը»

Տարածաշրջան10:30, 01 Հոկտեմբեր 2015

Դավութօղլու. «Մեզ համար կարևոր է Ադրբեջանի սահմանների պահպանությունը»

Թուրքիայի վարչապետ Ահմեթ Դավութօղլուն ՄԱԿ-ի գլխավոր ասամբլեայի 70-րդ նստաշրջանում ունեցած ելույթի ժամանակ բազմաթիվ այլ թեմաների շարքում անդրադարձել է նաև ղարաբաղյան հարցին:

Խոսելով Հարավային Կովկասում առկա հակամարտություններից՝ նշել է, որ իրենց համար կարևոր է Ադրբեջանի սահմանների պահպանությունը:

«Հակամարտությունը պետք է լուծվի խաղաղ ճանապարհով: Դա պետք է արվի` հաշվի առնելով ինքնիշխանության, տարածքային ամբողջականության և Ադրբեջանի միջազգայնորեն ճանաչվաճ սահմանների պահպանման սկզբունքները»,- ըստ թուրքական «haberesinti.net» կայքի` ասել է Թուրքիայի կառավարության ղեկավարը:

Դավութօղլուն խոսել է նաև Թուրքիայում գտնվող 2 մլն սիրիացի փախստականների մասին` ասելով, որ Թուրքիան արդեն 8 մլրդ դոլար է ծախսել նրանց համար ու այդ գումարից միայն 417 միլիոնն է փոխանցվել միջազգային ֆոնդերից:

Նա խոսել է նաև Կիպրոսի, պաղետինաիսրայելական հակամարտության, ահաբեկչության և այլ թեմաների մասին: Ելույթի վերջում Դավութօղլուն նշել է, որ Թուրքիան Եվրոպայի մի մասն է և հավատարիմ է ԵՄ անդամ դառնալու գաղափարին:

Աղբյուր` Ermenihaber.am

Այս ենթաբաժնի վերջին նորությունները

12:55, 17 սեպ

Թուրքիայի հատուկջոկատայինները Բաքվում մասնակցում են «Հավերժ եղբայրություն IV» զորավարժությանը

Բացի Թուրքիայից զորավարժությանը մասնակցում են Պակիստանը, Կատարը, Ղազախստանը և Ուզբեկստանը։

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: