Օզբիլիս. «Թուրքական ակումբների` իմ նկատմամբ հետաքրքրություն ցուցաբերելու լուրերը բամբասանք են»

Մարզական08:13, 08 Սեպտեմբեր 2015

Օզբիլիս. «Թուրքական ակումբների` իմ նկատմամբ հետաքրքրություն ցուցաբերելու լուրերը բամբասանք են»

Հայաստանի ազգային հավաքականի և Մոսկվայի «Սպարտակի» կիսապաշտպան Արաս Օզբիլիսը մեկնաբանել է այն լուրերը, ըստ որոնց, թուրքական ֆուտբոլային ակուբների հետաքրքրվում են իրենով: Թուրքական «habertuar» լրատվական կայքը գրում է, որ Օզբիլիսը այդ լուրերը բամբասանք է որակել՝ ասելով. «Թուրքական ակումբների իմ նկատմամբ հետաքրքրություն ցուցաբերելու լուրերը ասեկոսեներ են: Ես Մոսկվայի «Սպարտակի» ֆուտբոլիստ եմ և ցանկանում եմ իմ թիմի խաղերի վրա կենտրոնանալ»:

Օզբիլիսը հայտնել է, որ աշխատում է հին մարզավիճակը ձեռք բերելու ուղղությամբ, սակայն դրա համար իրեն ժամանակ է հարկավոր:

Թուրքական կայքը հիշեցնում է, որ լուրեր էին շրջանառվում այն մասին, որ թուրքական «Բուրսասփոր» ակումբը ցանկանում է գնել Օզբիլիսին, սակայն օգոստոսի 30-ին НТВ+ հեռուստաալիքի սպորտային մեկնաբան Նոբել Առուստամյանը հայտնել էր, թե հայ ֆուտբոլիստը չի ցանկանում կարիերան Թուրքիայում շարունակել:

Աղբյուր` Ermenihaber.am