Թուրքիայում ազատ արձակված անգլիացի լրագրողները արտաքսվել են երկրից

Իրավական12:16, 07 Սեպտեմբեր 2015

Թուրքիայում ազատ արձակված անգլիացի լրագրողները արտաքսվել են երկրից

Թուրքիայի Դիարբեքիր քաղաքում ձերբակալված և Ադանայի բանտ տեղափոխված ամերիկյան «Vice News» լրատվական հեռուստաընկերության անգլիացի թղթակիցներ Ջեյք Հանրահանն և Ֆիլիփ Փենդլեբուրին արտաքսվել են երկրից: Թուրքական «Milliyet» պարբերականի համաձայն՝ վերջիններս Ադանա – Դյուսելդորֆ ինքնաթիռով ուղարկվել են Գերմանիա:

Իսկ լրագրողներին ուղեկցող իրաքցի թարգմանիչ Մուհամադ Ռասոոլը, որին 7 օր առաջ ձերբակալել էին Դիարբեքիրում, դեռևս ազատազրկված է:

Հիշեցնենք, որ սույն թվականի օգոստոսի 27-ին Թուրքիայի Դիարբեքիր նահանգում ձերբակալվել էին ամերիկյան «Vice News» լրատվական հեռուստաընկերության լրագրողներ Ջեյք Հանրահանը և Ֆիլիփ Փենդլեբուրին ինչպես նաև նրանց ուղեկցող թարգամանիչը: Լրագրողները լուսաբանում էին Դիարբեքիրի Սիլվան և Լիջե շրջաններում հայտարարված պարետային ժամի դեմ իրականացվող բողոքի ակցիան:

«Իսլամական պետություն» (ԻՊ) ահաբեկչական կազմակերպության հետ առնչություն ունենալու կասկածանքով ձերբակալված լրագրողներին ավելի ուշ մեղադրանք էր առաջադրվել «Քուրդիստանի բանվորական կուսակցության» (PKK-ՔԲԿ) հետ կապ ունենալու համար: Բանտում 3 օր անցկացնելուց հետո՝ սեպտեմբերի 3-ին թուրքական դատարանի որոշմամբ Ջեյք Հանրահանին և Ֆիլիփ Փենդլեբուրին ազատ էին արձակվել:

Աղբյուր` Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։