Իրավական12:51, 26 Օգոստոս 2015
Չավուշօղլուն Գերմանիայից պահանջել է արտահանձնել թուրք դատախազներին
Թուրքիայի արտաքին գործերի նախարարությունը Գերմանիայի Դաշնային Հանրապետության իշխանություններից պահանջել է արտահանձնել փախուստի մեջ գտնվող դատախազներ Զեքերյա Օզին և Ջելալ Քարային: Թուրքական «haberler» լրատվական կայքի փոխանցմամբ` ԱԳ նախարար Մևլութ Չավուշօղլուն այդ մասին հայտարարել է թուրքական հեռուստաընկերություններից մեկի եթերում:
Վերոնշյալի հետ կապված, քննադատելով Գերմանիային, Չավուշօղլուն նշել է.«Փախուստի դիմած նախկին դատախազների վերաբերյալ գործընթացը լուրջ հարց է: Սպասում ենք, որ այս հարցում Գերմանիան կկատարի իր վրա ընկած իրավական պատասխանատվությունը»:
Նախարարը հայտարարել է, որ սա առաջին դեպքը չէ, երբ Թուրքիան Գերմանիայից որևէ հանցագործի արտահանձնում է պահանջում, սակայն Գերմանիան նախկինում էլ նպատատիպ պահանջները անպատասխան է թողել:
«Գերմանիայից շատ մարդկանց արտահանձնում ենք պահանջել: Նրանց մեջ ՔԲԿ-ի և «Հեղափոխական ժողովրդական ազատագրական կուսակցություն-ճակատի»(DHKP-C) անդամներ կան, որոնք Եվրամիության (ԵՄ) կողմից ընգրկված են ահաբեկչների ցուցակում: Սակայն այս կամ այն պատճառով Գերմանիան անհրաժեշտ քայլեր չի ձեռնարկել»,-ասել է Չավուշօղլուն:
Հավելենք, որ ավելի վաղ Թուրքիայի նախագահ Ռեջեփ Էրդողանը նույնպես Գերմանիայից պահանջել էր Թուրքիային հանձնել դատախազներին: Գերմանիայի ԱԳՆ-ն հայտարարել էր, որ իրենք դատախազների` Գերմանիայում գտնվելու մասին տեղեկություն չունեն:
Հիշեցնենք, որ թուրքական մամուլում լուրեր են շրջանառվում այն մասին, թե իբր Թուրքիայից փախած դատախազները, որոնց մասին դատարանը ձերբակալելու որոշում է կայացրել, մուտք էին գործել Հայաստան, այնուհետև մեկնել Գերմանիա: Այս պնդումներին ի պատասխան ՀՀ ԱԱԾ-ի մամուլի ծառայությունից հայտնել էին, որ իրենք թուրք դատախազների՝ Հայաստանում գտնվելու մասին տեղեկությանը չեն տիրապետում:
Նշենք, որ այդ դատախազները ներգրավված են եղել 2013 թվականի դեկտեմբերի 17-ին իրականացված «Մեծ կաշառք»-ի գործով դատական գործընթացում: Նրանք մայիսի 25-ին հեռացվել էին պաշտոնից՝ «իրենց լիազորություններից դուրս որոշումներ կայացնելու» համար: Օգոստոսի 10-ին թուրքական դատարանը նրանց ձերբակալելու որոշում էր կայացրել:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |