Հասարակական07:41, 10 Օգոստոս 2015
Իրանն իր քաղաքացիներին զգուշացնում է խուսափել Թուրքիայի արևելյան մայրուղիներից օգտվելուց
Իրանի արտգործնախարարությունը հայտարարություն է տարածել, որով զգուշացնում է Թուրքիա մեկնել ցանկացող իր քաղաքացիներին խուսափել Թուրքիայի արևելյան մայրուղիներով անցնելուց:
Թուրքական «mynet.com» լրատվակայքի համաձայն՝ արտգործնախարարության հայտարարությունում մասնավորապես ասվում է. «Թուրքիայի արևելքում իրականացվող որոշ գործողությունների և վերջին շրջանում ծագած վտանգավոր մթնոլորտի պատճառով խորհուրդ է տրվում Թուրքիա մեկնել պատրաստվող Իրանի քաղաքացիներին խուսափել Թուրքիայի արևելյան մայրուղիներից օգտվելուց: Ցանկալի է նախապատվությունը տալ ավիաուղիներին»:
Հիշեցնենք, որ օգոստոսի 7-ին Աղրըի Դողուբայազիտ և Վանի Չալդըրան շրջանները միացնող մայրուղում տեղի ունեցած զինված բախման հետևանքով մեկ սերժանտ զոհվել էր: Նույն մայրուղու մեկ այլ հատվածում իրանական համարանիշներով ուղևորատար ավտոբուսի վրա իրականացված հարձակման հետևանքով զոհվել էր վարորդի ուղեկցորդը և վիրավորվել էր Իրանի 3 քաղաքացի:
Անցյալ շաբաթ պայթյուն էր տեղի ունեցել Ստամբուլ-Իրան գնացքում: Պայթյունի հետևանքով զոհեր կամ վիրավորներ չեն եղել: Դեպքից հետո Իրանի երկաթուղային «Ռաժա» ընկերությունը հայտարարել էր դեպի Թուրքիա գնացքների չվերթի դադարեցման մասին:
Նշենք նաև, որ ավելի վաղ Իրանը զգուշացրել էր Իրանից Թուրքիա մեկնող բեռնատարների վարորդներին խուսափել գիշերային ուղևորություններից:
Այս ենթաբաժնի վերջին նորությունները
Ըստ India.com-ի՝ այդ հրթիռները կարող են «ոչնչացնել Թուրքիան 6 րոպեում»։
OECD-ի զեկուցի համաձայն, ընտանիքներին աջակցելու համար հատկացնում է ՀՆԱ-ի ընդամենը 0,5%-ը:
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։
Ըստ India.com-ի՝ այդ հրթիռները կարող են «ոչնչացնել Թուրքիան 6 րոպեում»։
Բոսֆորի նեղուցում անցկացվել է «Բոսֆորի 37-րդ լողի մրցույթ», որին մասնակցել է 3000 լողորդ։
Մասնագետներն ահազանգում են, եթե անհրաժեշտ միջոցներ չձեռնարկվեն, ապա կենցաղային և տնտեսական լուրջ խնդիրներ ի հայտ կգան:
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |