Թուրքիայի գլխավոր դատախազությունը Դեմիրթաշին պատգամավորական անձեռնամխելիությունից զրկելու համար վարույթ է պատրաստել

Իրավական09:32, 29 Հուլիս 2015

Թուրքիայի գլխավոր դատախազությունը Դեմիրթաշին պատգամավորական անձեռնամխելիությունից զրկելու համար վարույթ է պատրաստել

Թուրքիայի քրդամետ «Ժողովուրդների դեմոկրատական» կուսակցության (HDP-ԺԴԿ) համանախագահ Սելահաթթին Դեմիրթաշի նկատմամբ հետաքննություն է սկսվել:

Թուրքական «Sabah» պարբերականը հայտնում է, որ իշխող «Արդարություն և զարգացում» կուսակցության (AKP-ԱԶԿ) փոխնախագահ Սյուլեյման Սոյլուի բողոքի հիման վրա Դեմիրթաշի նկատմամբ հետքննություն էր սկսվել:

Սոյլուի բողոքի համար հիմք է եղել խորհրդարանական ընտրություններից առաջ՝ մայիսի 17-ին Դեմիրթաշի խոսքերը, թե ԱԶԿ-ն 3 հազար 500 հարյուր հոգուց բաղկացած խումբ է ստեղծել, որը փորձելու է կեղծել ընտրությունները, որպեսզի ԺԴԿ-ն չհաղթահարի ընտրական շեմը: Ըստ Դեմիրթաշի՝ այդ խումբը ղեկավարում է ԱԶԿ փոխնախագահ Սոյլուն:

Վերջինիս հայցադիմումի համաձայն՝ Անկարայի գլխավոր դատախազությունը հետաքննություն էր սկսել՝ արդյունքում որոշելով, որ Դեմիրթաշը չարաշահել է խոսքի ազատության իրավունքը:

Գլխավոր դատախազությունը որոշում է կայացրել հանդես գալ Դեմիրթաշին պատգամավորական անձեռնամխելիությունից զրկելու պահանջով: Այդ նպատակով պատրաստված գործի վարույթը ուղարկվել է Թուրքիայի արդարադատության նախարարություն՝ խորհրդարան ներկայացնելու նպատակով:

Աղբյուր` Ermenihaber.am

Այս ենթաբաժնի վերջին նորությունները

11:50, 11 սեպ

Թուրքիայում 10 խոշոր ձեռնարկատեր կձերբակալվի

Նրանց թվում են «Can Holding»-ի ղեկավարները, որոնք մեղադրվում են «հանցավոր կազմակերպություն ստեղծելու», «մաքսանենգության», «խարդախության» և «փողերի լվացման» մեջ։