Իրավական09:08, 10 Հուլիս 2015
Հայ պատգամավորը դատական հայց կներկայացնի «հայերի որսով» սպառնացած թուրք ազգայնականի դեմ
Քրդամետ «Ժողովուրդների դեմոկրատական» կուսակցությունից ընտրված հայազգի պատգամավոր Գարո Փայլանը հայերին թիրախավորող հայտարարության համար ծայրահեղ ազգայնական «Ուլքյու օջաքլարը» կազմակերպության Կարսի մասնաճյուղի ղեկավար Թոլգա Ադըգյուզելի դեմ դատական հայց կներկայացնի:
Ըստ CNN Turk-ի` այս մասին հայտարարել է հայ պատգամավորը Թուրքիայի խորհրդարանում տված մամուլի ասուլիսի ժամանակ: Փայլանը, անդրադառնալով վերջին 15 օրվա ընթացքում Թուրքիայում ռասիզմի հողի վրա տեղի ունեցած ծայրահեղական դրսևորումներին, նշել է, որ դրանց առնչությամբ առ այսօր որևէ դատական գործընթաց չի սկսվել:
«Ատելություն պարունակող, բայց անպատիժ մնացած յուրաքանչյուր հայտարարություն իր թիրախում գտնվող մարդկանց շրջանում «աղավնու անհանգստության» է ստեղծում և նպաստում ատելության հողի վրա կատարվող հանցագործություններին»,- նշել է Փայլանը:
Փայլանն ավելացրել է նաև, որ իրենք առաջիկա օրերին ատելության դրսևորումներ պարունակող հայտարարությունների համար ավելի խիստ պատիժներ սահմանող օրինագիծ են ներկայացնելու խորհրդարան, ինչի համար ակնկալելու են նաև մյուս կուսակցությունների աջակցությունը:
Անիի ավերակներում Տիգրան Համասյանի համերգի առնչությամբ Թուրքիայի «Ազգայնական շարժում» կուսակցությանը (MHP-ԱՇԿ) հարող ծայրահեղ ազգայնական «Ուլքյու օջաքլարը» կազմակերպության Կարսի մասնաճյուղի ղեկավարը հետևյալ հայտարարությունն էր արել`«Մենք էլ Կարսի փողոցներում հայերի որս սկսե՞նք»:
Ադանայի ԱՇԿ-ական քաղաքապետն էլ թվիթերթում գրել էր. «Մանուկյանի` Ադանայի զարմիկը երջանիկ է: Մորաքրոջ 3 որդիները մեջլիս են անցել: ԱԶԿ-ից (Արդարոթյուն և զարգացում կուսակցություն), ԺՀԿ-ից (Ժողովրդահանրապետական կուսակցություն), և ԺԴԿ-ից (Ժողովուրդների դեմոկրատական կուսակցություն): Ինչքան էլ հպարտանա` քիչ է»:
Ստամբուլում էլ մի խումբ մարդիկ հարձակվել էին կորեացիների խմբի վրա` կարծելով, թե չինացի են: (Ույղուրական հարցի ֆոնին վերջին օրերին լարվել են թուրք-չինական հարաբերությունները):
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այցի ընթացքում անցկացվել են սահմանային անվտանգության հետ կապված ստուգումներ։
«Kharabakh Records» տելեգրամյան ալիքը գրել է. «Թուրքիայի մամուլից նման բան չէինք սպասում»։
Էյալ Բերկովիչ․ «Քառորդ եզրափակիչում «HAMAS»-ին հաղթեցինք 11 մետրանոցներով, կիսաեզրափակիչում հաղթեցինք Իրանին, իսկ ահա եզրափակիչը կանցկացնենք Թուրքիայի հետ»:
«Leonardo» ընկերությունը հայտնի է Իսրայելի համար զենք և ռազմական տեխնոլոգիաների մատակարարմամբ։
«Իսրայելի ղեկավարությունը տարածաշրջանային խաղաղության դեմ համընդհանուր հակամարտության ռազմավարություն է իրականացնում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |