Պոլսի հայոց պատրիարքի փոխանորդն այցելել է Թուրքիայում գտնվող սիրիահայ փախստականների

Տարածաշրջան08:16, 08 Հուլիս 2015

Պոլսի հայոց պատրիարքի փոխանորդն այցելել է Թուրքիայում գտնվող սիրիահայ փախստականների

Պոլսի հայոց պատրիարքի փոխանորդ Արամ արքեպիսկոպոս Աթեշյանն այցելել է Թուրքիայի Սուրուչի շրջանում սիրիացի փախստականների վրանային քաղաք:

Թուրքական «Aktifhaber» լրատվական կայքը տեղեկեցնում է, որ ճամբարում, որտեղ ապաստանել է 35 հազար սիրիացի փախստական, Աթեշյանը հանդիպել է Թովմասյան ընտանիքի հետ, որը «Իսլամական պետություն» ահաբեկչական կազմակերպության հարձակումից հետո գաղթել էր Քոբանիից:

Աթեշյանը հայտնել է, որ Թուրքիայի աղետների և արտակարգ իրավիճակների վարչությանը պատկանող վրանային ճամբար է այցելել, երբ իմացել է ճամաբարում 3 հայ ընտանիքի գտնվելու փաստի մասին: Նա ճամբար է այցելել նրանց անձամբ հանդիպելու և ծանոթանալու նրանց վիճակին: Աթեշյանը հայնտել է նաև, որ ցանկություն է ունեցել կապ հաստատել տեղական ղեկավարների հետ՝ իմանալու, թե ինչով կարող են օգտակար լինել:

«Առանց ռասայական և դավանական խտրականության ձեռք ձեռքի տված այստեղ ապաստանած մեր եղբայրների խաղաղութության և երջանկության համար հնարավոր ամեն ինչ կանենք: Իհարկե, եկել եմ հայ համայնքի համար, կմտածենք, թե ինչ կարող ենք անել երեխաների համար»,- ասել է արքեպիսկոպոս Աթեշյանը:

Պատրիարքի փոխանորդը հանդիպել է նաև Շանլըուրֆայի (պատմ. Եդեսիա) նահանգապետ Իզեթթին Քյուչուքի հետ և շնորհակալություն հայնտել ճամբարում ապաստանածների նկատմամբ ցուցաբերող հոգատարության համար: Նա նահանգապետին տեղեկացրել է, որ ճամբարում կա 18 հոգուց բաղկացած 3 հայ ընտանիք:

Աղբյուր` Ermenihaber.am