Մշակութային07:34, 02 Հուլիս 2015
Թուրքական Radikal թերթի անդրադարձը «հրաշագործ Համասյանի» ստամբուլյան համերգներին
Հայ անվանի դաշնակահար Տիգրան Համասյանը շարունակում է իր «Լույս ի լուսո» խորագիրը կրող համերգաշարը՝ ելույթներով հանդես գալով Թուրքիայի տարբեր քաղաքներում: Հունիսի 30-ին Հայաստանի պետական կամերային նվագախմբի ուղեկցությամբ ևս մեկ համերգ էր կազմակերպվել Ստամբուլի Aya irini թանգարանում՝ ստամբուլյան 22-րդ ջազ-փառատոնի շրջանակներում:
Թուրքական «Radikal» պարբերականը՝ «Հավանաբար նա մեզ կախարդել է» վերնագրի ներքո անդրադարձել է Համասյանի ելույթներին ու դրանց առաջացրած ոգևորությանն ու հիացմունքին:
«5-ից 19-րդ դարերի հայ ավանդական երաժշտական ստեղծագործությունների յուրօրինակ մեկնաբանություններով նա, հավանաբար, կախարդել է մեզ բոլորիս: Բավական դժվար է ՝ փորձել բառերով նկարագրել այս երաժշտությունը: Համասյանը հրաշագործ է: Նախ զգում ես, որ ոգիդ ընդլայնվում, պարուրում է ողջ տիեզերքը: Նույնականանում ես ամբողջի հետ: Հետո միանգամից քեզ քաշում-հանում է այդ վիճակից, սթափվում ես, կարծես թե նիրհից ես արթնանում: Ու հասկանում ես, որ երաժշտության մեջ հոսում էիր…
Հրաշագործ Համասյանը երաժշտությունը կիրառում է դիմացինի հոգին լվանալու համար»,- գրում է «Radikal»-ի թղթակից Գյուլդեհան Այսենը:
Անդրադարձ կատարելով Համասյանի անցած երաժշտական ուղուն և նշելով այն փաստը, որ իր առաջին ձայնասկավառակը տաղանդավոր երաժիշտը թողարկել է 18 տարեկանում՝ լրատվամիջոցը տեղեկացնում է, որ բրիտանական հեղինակավոր «The Guardian» պարբերականը Համասյանի մասին մի առիթով գրել է որպես «ջազին հայկական շունչ հաղորդած դաշնակահար»:
«Չիկ Կորեայի, Բրադ Մեհլդաուի, Հերբի Հանկոկի նման վարպետների հետ ելույթ ունեցած Համասյանը բախտ է ունեցել երիտասարդ տարիքում Հանկոկից լսելու «Դու արդեն իմ ուսուցիչն ես» արտահայտությունը», - գրում է թուրքական պարբերականը:
Գյուլդեհան Այսենը նաև իր հիացմունքն է հայտնում Հայաստանի պետական կամերային երգչախմբի վերաբերյալ՝ ընդգծելով, որ այդ երգիչների ձայները Համասյանի երաժշտության հետ ամենալավ համադրությունն են:
«Իհարկե, չպետք է նաև մոռանալ Հարություն Թոփիկյանի ղեկավարած Երևանի պետական կամերային երգչախմբի սոլիստների դերը: Երբ հնչեց այդ՝ բառի ամենաիսկական իմաստով «բյուրեղյա ձայների» սոպրանոն, սրահում բոլորի մի պահ քարացան»:
Այս ենթաբաժնի վերջին նորությունները
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Պատարագի մատուցման նախապատրաստական աշխատանքներն ընթացքի մեջ են։
Ֆիլմի մի մասը նկարահանվել է Թուրքիայի Նիղդե նահանգում և Կապադովկիայում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |