ԻՊ զոհված գրոհայինի մոտ գնտվել է Թուրքիայի պետական մարմնի վկայական

Տարածաշրջան11:17, 30 Հունիս 2015

ԻՊ զոհված գրոհայինի մոտ գնտվել է Թուրքիայի պետական մարմնի վկայական

Քրդամետ «ժողովուրդների դեմոկրատական» կուսակցության պատգամավոր և Դիարբեքիրի նախկին քաղաքապետ Օսման Բայդեմիրը հայտարարել է, որ «Իսլամական պետություն» (ԻՊ) ահաբեկչական կազմակերպության զոհված գրոհայինը ապաստան է ստացել Թուրքիայի աղետների և արտակարգ իրավիճակների վարչության (AFAD) հաստատություններում:

«CNNTürk»-ի հեռուստաեթերով հեռարձակվող «Չեզոք գոտի» հաղորդման ժամանակ Բայդեմիրը ցույց է տվել Քոբանիում զոհված ԻՊ գրոհայինի անձը հաստատող մի փաստաթուղթ՝ հայտնելով, որ այդ փաստաթուղթը տրվել է Թուրքիայի աղետների և արտակարգ իրավիճակների վարչության կողմից: Ըստ Բայդեմիրի՝ փաստաթուղթը պատկանում է Աքչաքալեում AFAD-ի կառույցներում ապաստանած մի մարդասպանի, որը մասնակցել է Քոբանիի կոտորածներին: Փաստաթուղթը առգրավվել էր, երբ մարդասպանը սպանվել էր վերջին մարտերի ժամանակ: «Նա AFAD-ի վկայական ունի: Նշանակում է, որ այս մարդը Աքչաքալե է անցնել, հանգստացել, որից հետո կրկին հարձակվելու նմատակով հետ գնացել»,-ասել է Բայդեմիրը:

AFAD-ը Բայդեմիրի պնդումների վերաբերյալ հայտարարությամբ է հանդես եկել: Հայտարարության մեջ նշված է, որ տվյալ անձը 2012-2013 թթ բնակվել է Աքչաքալեի մի վրանային ավանում, որտեղ բնակվելու ընթացքում կասկածելի վարք է դրսևորել և ճամբարի ղեկավարությունը նրա վերաբերյալ անհրաժեշտ տեղեկություններ են փոխանցել իրավապահ մարմիններին: Ըստ հայտարարության զոհված գրոհայինը 2013 թվականին ինքնակամ լքել է ճամբարը և ապօրինաբար լքել երկիրը, որից հետո չի վերադարձել Թուրքիա: AFAD-ի պնդմամբ այդ անձի մոտ վկայականի առկայությունը վկայում է միայն մեկ բան, որ այդ մարդը մի որոշ շրջան ապրել է ճամբարում:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: