Իրավական08:21, 30 Հունիս 2015
Թուրքական կազմակերպությունը Արմեն ճամբարի հարցով դիմել է ԵԽ ու Եվրախորհուրդ
Թուրքիայի «Մարդու իրավունքների միությանը» (ՄԻՄ) Ստամբուլի Թուզլա շրջանում գտնվող «Արմեն ճամբար»-ը հայ համայնքին վերադարձնելու նպատակով Եվրախորհրդի Մարդու իրավունքների կոմիսարին ու Եվրախորհրդարանի Թուրքիայի մասին զեկույցի հեղինակին մեկական նամակ է ուղարկել:
Թուրքական կազմակերպության անդամները ՄԻՄ-ի Ստամբուլի գրասենյակում հրավիրած մամուլի ասուլիսի ժամանակ նշել են, որ Թուրքիան, չվերադարձնելով հայ որբերի բռնագրավված ճամբարը, խախտում է Եվրամիության (ԵՄ) սկզբունքները` հակառակ այն հանգամանքին, որ ցանկանում է այդ կազմակերպության անդամ դառնալ:
Թուրքական «Radikal» թերթի կայքի հաղորդմամբ` փաստաբան Էրեն Քեսքինը նշել է, որ Թուրքիան պնդում է, թե ԵՄ անդամակցության համար պահանջվող բարեփոխումների շրջանակներում փոփոխություններ է կատարել նաև հիմնադրամներից բռնագրավված գույքերի մասին օրենքում, սակայն դա չի վերաբերում այն գույքերին, որոնք այժմ գտնվում են 3-րդ մարդկանց ձեռքում: Քեսքինի խոսքով պետության հաշվեկշռում գտնվող գույքերն էլ վերադարձվել էն հազիվ 10 տոկոսի չափով:
«Մենք, կազմակերպությունն իր պարտականությունն է համարում Արմեն ճամբարը հայ համայնքին վերադարձնելու համար բազմապիսի նախաձեռնություններ իրականացնել ու դիմել հնարավոր բոլոր միջազգային կառույցներին»,- նշել է թուրք փաստաբանը:
Հիշեցնենք, որ «Քամփ Արմեն» հայկական ճամբարը Ստամբուլի Թուզլա շրջանում գտնվող, երեկ լքված, այսօր արդեն կիսաքանդ մի շինություն է: Ներկայումս ավերակի վերածված շինությունը ժամանակին եղել է չքավոր ու որբ հայ երեխաների ամառային ճամբարը: 8.552 քմ տարածք ունեցող «ՔամփԱրմենը» 1961 թվականին գնվել է Հայ բողոքական եկեղեցու հիմնադրամի կողմից և ծառայել է որպես ամառային ճամբար` Գեդիկփաշայի հայկական դպրոցի չքավոր ու որբ սաների համար: Սակայն հետագայում ապօրինաբար խլվել է հայկական հիմնադրամի ձեռքից: Հայտնի է, որ այստեղ են մեծացել նաև 2007թ. Թուրքիայում սպանված հայտնի հայ լրագրող Հրանտ Դինքը և նրա կին Ռաքել Դինքը:
2015 մայիսի 6-ի առավոտյան ճամբարի ներկայիս սեփականատիրոջ նախաձեռնությամբ սկսվել էր ճամբար-մանկատան ապամոնտաժումը, սակայն կարճ ժամանակ անց Թուրքիայի հայկական համայնքի սկսած բողոքի լայնածավալ միջոցառումների շնորհիվ շինության ապամոնտաժումը ժամանակավորապես դադարեցվել էր: Կա խոստում ` ճամբարը վերադարձնելու վերաբերյալ, սակայն առ այժմ ոչ մի իրավական քայլ չի արվել ու հարյուրավոր երիտասարդ ակտիվիստներ ճամբարում 24-ժամյա հերթապահություն են իրականացնում: Նրանք պնդում են , որ չեն հեռանա ճամբարից` մինչև այն չվերադարձվի իրական տիրոջը` հայկական հիմնադրամին:
Այս ենթաբաժնի վերջին նորությունները
Դիարբեքիրի փաստաբանական պալատի վարչության անդամը նշել է, որ Թուրքիայում երեխաների աշխատանքը հասարակության մեջ նորմալ է ընկալվում «վարպետ-աշակերտ հարաբերության» քողի ներքո։
Թուրքիայի ՆԳՆ-ի հայտարարության մեջ նշվել է նաև, որ այդ համայնքապետերի նկատմամբ հետաքննություն է իրականացվում «պարտադրանքով կաշառք ստանալու» մեղադրանքով։
Պատճառն այն է, որ Օզգյուր Օզելը «վիրավորական խոսքեր» է հնչեցրել Ստամբուլի գլխավոր դատախազ Աքըն Գյուրլեքի հասցեին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թերթի խմբագիր Տանձիկյանը ներկայացնում է, թե որը կարող է լինել այս «աշխատանքային այցի» օրակարգը, հատկապես, երբ տարածաշրջանը կրկին պատերազմի մեջ է Իրանի վրա Իսրայելի հարձակման պատճառով:
Նիկոլ Փաշինյանը հանդիպում կունենա տեղի հայ համայնքի ներկայացուցիչների հետ։
Աբբաս Արաղչին Ստամբուլում կմասնակցի «Իսլամական համագործակցություն» կազմակերպության անդամ երկրների արտգործնախարարների խորհդի նիստին:
Թուրքիայի պաշտպանության նախարար Յաշար Գյուլերը մասնակցել է Ադրբեջանի զինված ուժերի օրվա կապակցությամբ Անկարայում կազմակերպված ընդունելությանը։
Թուրքիայի նախագահ Ռեջեփ Թայիփ Էրդողանն և Ադրբեջանի նախագահ Իլհամ Ալիևը մասնակցել են Քահրամանմարաշում «Ադրբեջանական թաղամաս» համալիրի բացմանը Էրդողանը ելույթն ավարտել է քահարամանմարաշցի բան
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |