3 տարում Թուրքիայի 10 000 քաղաքացի է միացել ահաբեկչական խմբավորումներին

Տարածաշրջան08:00, 26 Հունիս 2015

3 տարում Թուրքիայի 10 000 քաղաքացի է միացել ահաբեկչական խմբավորումներին

Թուրքիայի «21-րդ դար» ինստիտուտի մերձավոր արևելքի հարցերով ամբիոնի իրականացրած հետազոտության համաձայն՝ վերջին երեք տարիների ընթացքում ծայրահեղ իսլամիստական ահաբեկչական խմբավորումներին միանալու նպատակով շուրջ 10.000 մարդ է Թուրքիայից մեկնել Իրաք և Սիրիա: Պարզվել է նաև, որ նրանցից ավելի քան 7000-ը միացել է «Իսլամական պետություն» (ԻՊ- İŞİD) ահաբեկչական խմբավորմանը, մյուսները՝ «Ալ Քաիդա» և «Ալ Նուսրա» ահաբեկչական խմբավորումներին:

Թուրքական «Hurriyet» պարբերականի հաղորդմամբ՝ բացի մահապարտներից, հարյուրավոր ընտանիքներ էլ Թուրքիայից տեղափոխվել են ԻՊ-ի վերահսկողության տակ գտնվող Ռաքքա, Մուսուլ, Թելաֆեր քաղաքներ: Հետազոտությունն իրականացնող թուրք պրոֆեսոր Սերհադ Էրկմենը նշում է, որ ԻՊ-ին միացողների կեսից ավելին կազմում են ընտանիքները:

Էրկմենը ընդգծում է նաև, որ վերոնշյալ ահաբեկչական խմբավորումների կազմում ի սկզբանե միշտ էլ թուրքեր եղել են: Սակայն վերջին երեք տարիների ընթացքում հատկապես ԻՊ-ի նկատմամբ մեծացել է հետաքրքրությունը թե ամբողջ աշխարհում և թե մասնավորապես Թուրքիայում:

ԻՊ-ին անդամակցելու համար Թուրքիայից ամենից շատ մեկնում են Ստամբուլի, Անկարայի, Քոնիայի, Ադանայի, Դիարբեքիրի, Գազիանթեփի բնակիչները: Ավելի քիչ թվով քաղաքացիներ ԻՊ-ին միանալու համար մեկնել են նաև Թուրքիայի Բուրսա, Սաքարյա, Բինգյոլ, Մուշ, Ադըյաման շրջաններից:

Հայտնի է նաև, որ Թուրքիայի գրեթե բոլոր բնակավայրերից որոշակի, թեկուզ շատ քիչ թվով մարդիկ ահաբեկչական խմբավորումներին միանալու նպատակով մեկնում են Սիրիա և Իրաք, կամ մեկնում ու հետ են վերադառնում:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: