Հայ պատգամավոր Մարգար Եսայանը պատասխանել է թուրքական ազգայնամոլական թերթին

Հասարակական13:33, 25 Հունիս 2015

Հայ պատգամավոր Մարգար Եսայանը պատասխանել է թուրքական ազգայնամոլական թերթին

Ազգայնամոլական հայացքներով աչքի ընկնող թուրքական Sözcü թերթը այս անգամ որպես թիրախ է ընտրել մեջլիսի ոչ թուրք պատգամավորներին:

Ըստ թուրքական «yeniakit» լրատվական կայքի` «Sözcü» այսօրվա համարում ԱԶԿ-ից (Արդարություն և զարգացում կուսակցություն) պատգամավորներՐ ավզա Քավաքչըին ու Մարգար Եսայանին, ԺՀԿ-ից (Ժողովրդահանրապետական կուսակցություն) ընտրված Օզջան Փուրչուին և ԺԴԿ-ից (Ժողովուրդների դեմոկրատիա կուսակցություն) Ուջա և Դիլեք Օջալաններին հետևյալ ուղերձն է հղել` «Մեր շնորհիվ եք այդտեղ գտնվում, մեզ գնահատեք»:

«Աթաթուրքի հիմնած այս հանրապետության արժեքն իմացեք» վերնագրով հոդվածում հատուկ ուշադրություն է հրավիրվել վերոնշյալ անձանց ազգային և կրոնական պատկանելություններին:
«… Քանզի այս հանրապետության քաղաքականության մեջ բոլորը առանց ազգային, կրոնական ու լեզվական խտրականության կարողանում են ցանկացած դիրք (պաշտոն) գրավել»,- շեշտվում է հոդվածում:

Այս հոդվածին իր թվիթերյան էջում պատասխանել է Թուրքիայի մեջլիսի հայազգի նորընտիր պատգամավոր Մարգար Եսայանը:

«Բոլոր այս մարդիկ, այդ թվում ես, մեջլիսում ենք հայտնվել ԱԶԿ-ի իրականացրած անձայն հեղափոխության շնորհիվ: Դրանից է նաև, որ Sözcü-ն այս վիճակը դրական է համարում»,- գրել է Եսայանը:

Աղբյուր` Ermenihaber.am