Ռուսաստանն ու Հունաստանը ստորագրել են «Թուրքական հոսք» գազատարի կառուցման պայամանագիրը

Տարածաշրջան11:55, 19 Հունիս 2015

Ռուսաստանն ու Հունաստանը ստորագրել են «Թուրքական հոսք» գազատարի կառուցման պայամանագիրը

Ռուսաստանն ու Հունաստանը վերջնական պայմանավորվածություն են ձեռք բերել երկու երկրների միջև « Թուրքական հոսք » (Türk akımı) անվամբ հայտնի գազատարի կառուցման վերաբերյալ: Թուրքական «haberler» լրատվական կայքի հաղորդմամբ Մոսկվայի և Աթենքի միջև համապատասխան միջպետական համաձայնագիր է ստորագրվել:

Պայմանագրի ստորագրության արարողության ժամանակ Ռուսաստանի էներգետիկայի նախարար Ալեքսանդր Նովակը հայտարարել է, որ Ռուսաստանն ու Հունաստանը հավասար բաժնետերեր են լինելու: Ռուսաստանը, որն ըստ աղբյուրի, Ուկրաինայի և Ղրիմի հետ կապված խնդիրների պատճառով բնական գազը Եվրոպա հասցնելու համար նոր ուղիներ է փնտրում, անցյալ տարի չեղյալ էր համարել «Հյուսիսային հոսք» նախագիծը, որի միջոցով նախատեսվում էր իրագործել բնական գազի արտահանումը եվրոպական երկրներ:

«Թուրքական հոսք» նախագծի շնորհիվ ռուսական գազը Սև ծովի միջոցով կարտահանվի Եվրոպա: Գազատարը կհասցվի մինչև թուրք-հունական սահմանը, իսկ այդտեղից արդեն դեպի Եվրոպա գազատարի շարունակության կառուցման համար Ռուսաստանը կարիք կունենա նոր պայմանավորվածություններ ձեռք բերել եվրոպական երկրների հետ:

Թուրքական լրատվամիջոցի համաձայն՝ չնայած Ռուսաստանը Հունաստանի հետ արդեն պայմանագիր է ստորագրել, «Թուրքական հոսքի» վերաբերյալ Թուրքիայի հետ դեռևս հստակ պայմանավորվածություն ձեռք չի բերվել:

Աղբյուրը հայտնում է, որ Եվրոպայի համար բնական գազի ամենախոշոր արտահանող Ռուսաստանը աշխատանքներ է տանում նաև Բալթիկ ծովով անցնող երկու այլ գազատարների կառուցման նախագծերի ուղղությամբ:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: