Հասարակական07:49, 13 Հունիս 2015
Թուրքիայի փոխվարչապետը ներկա է եղել հայկական վարժարանի ավարտական հանդիսությանը
Թուրքիայի փոխվարչապետ Բյուլենթ Արընչը ներկա է եղել Ստամբուլի Սուրբ Խաչ դպրեվանք հայկական վարժարանի ավարտական հանդիսությանը: Փոխվարչապետը ելույթ է ունեցել, որի ընթացքում խոսել է հայկական համայնքին վերաբերող և հուզող հարցերի շուրջ. 1915 թվական, «Ակոս» շաբաթաթերթի հիմնադիր խմբագրապետ Հրանտ Դինքի սպանություն, Հայաստանի հետ հարաբերությունների կարգավորում:
«CNNTürk» լրատվական ծառայությունը տեղեկացմամբ՝ Արընչը նախևառաջ նշել է, որ հայերը շարունակ եղել են Թուրքիայի անբաժանելի մասը: «Մեր հայ հայրենակիցներն այս երկրի մի մասն են, առանց ձեզ մենք լիարժեք չենք»,-ասել է Արընչը՝ նշելով, որ Թուրքիայում երկրորդ կարգի քաղաքացի չկա և խոսք անգամ չի կարող լինել որևէ մեկի առավելության մասին:
Խոսելով Հայոց ցեղասպանության մասին՝ Արընչն օգտագործել է «ցավալի դեպքեր», «1915թ իրադարձություններ» բառակապակցությունները: Նա նշել է, որ 1915 թվականին գոյություն ունեցող պայմաններում շատ ողբերգական դեպքեր են տեղի ունեցել, սակայն դրանք ուղղված չեն եղել կոնկրետ մի էթնիկ խմբի դեմ: Փոխվարչապետի կարծիքով՝ չնայած ցավալի իրադարձություններ են եղել, սական այժմ դրանց մասին խոսելու, ամեն օր պատմության այդ դառնագին դեպքերը հիշելով, մեղավորներ փնտրելու ժամանակը չէ:
«Թող Թուրքիային չմեղադրեն, շատ դառը և ողբերգական դեպքեր են եղել, և՛ սպանողներ են եղել և՛ մեռնողներ: Այդ դեպքերից բոլորս էլ վնաս ենք կրել»,- նշելը է Արընչը` ասելով, որ պատմության մասին պետք է խոսեն պատմաբանները:
Անդրադառնալով Հայաստանի հետ հարաբերությունների կարգավորմանը՝ Արընչն ասել է, որ անձամբ ինքը հարևան պետությունների հետ զրո խնդրի կողմակից է: Իր ցանկություն է, որ երկու երկրների միջև դիվանագիտական հարաբերություններ հաստատվեն, սահմանները բացվեն: «Կան հարցեր, որտեղ մենք պետք է քայլեր ձեռնարկեն, բայց ավելի շատ անելիք ունի դիմացի կողմը՝ նկատի ունեմ Հայաստանի կառավարությունը»,- ասել է Արընչը:
Փոխվարչապետը հիշելով Հրանտ Դինքի սպանության մասին, պատմել է, որ այդ լուրը նրան խորը վշտացրել էր: Նշել է, որ իր վրա մեծ ազդեցություն էր թողել Դինքը հուղարկավորության օրը նրա այրու՝ Ռաքել Դինքի ելույթը:
Այս ենթաբաժնի վերջին նորությունները
Ըստ India.com-ի՝ այդ հրթիռները կարող են «ոչնչացնել Թուրքիան 6 րոպեում»։
OECD-ի զեկուցի համաձայն, ընտանիքներին աջակցելու համար հատկացնում է ՀՆԱ-ի ընդամենը 0,5%-ը:
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։
Ըստ India.com-ի՝ այդ հրթիռները կարող են «ոչնչացնել Թուրքիան 6 րոպեում»։
Բոսֆորի նեղուցում անցկացվել է «Բոսֆորի 37-րդ լողի մրցույթ», որին մասնակցել է 3000 լողորդ։
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Մասնագետներն ահազանգում են, եթե անհրաժեշտ միջոցներ չձեռնարկվեն, ապա կենցաղային և տնտեսական լուրջ խնդիրներ ի հայտ կգան:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |