Մշակութային06:28, 12 Հունիս 2015
Թուրքիայի մեջլիսը Մշո սուրբ Կարապետ հայկական եկեղեցու վերականգման համար քայլեր է ձեռնարկել
Մշո սուրբ Կարապետ հայկական եկեղեցու վերակառուցման համար ներկայացված դիմումին արձագանքել է Թուրքիայի ազգային մեծ ժողովի (ԹԱՄԺ) միջնորդագրերի հանձնաժողովի ղեկավարությունը: Այս մասին տեղեկացնում է «Սասունի, Բիթլիսի, Բաթմանի, Մուշի, Վանի, Ստամբուլի և մյուս բոլոր նահանգների, շրջանների և գյուղերի հայկական և Սասունի շրջանի գյուղերի հայկական սոցիալական փոխօգնություն և մշակութային համերաշխություն» (Հայկական փոքրամասնությունները) միության ղեկավար Ազիզ Դաղջըն:
Թուրքական «Bugün» թերթի տեղեկացմամբ՝ Դաղջըն նախկինում արած գրավոր հայտարարության մեջ նշել է, որ վանական համալիրը շատ կարևոր և պատմական վայր է, որի տարածքում այժմ կա 48 տուն և 6 խոտամբար: Դաղջըն հայտնում է, որ խորհրդարանից ստացված պատասխանում գրված է հարցի պատասխանատուների նկատմամբ հետաքննություն սկսելու որոշման մասին:
Բացի այդ ԹԱՄԺ-ը պահպանության տակ կառնի հայկական եկեղեցին Թուրքիայի մշակութային և բնական ժառանգության պահպանության օրենքի 10-րդ հոդվածի տառին համապատասխան: Նամակում նշվում է, որ եկեղեցու պահպանությունը չիրականացրած անձաց նկատմամբ իրավական գործընթաց կսկսվի, ինչպես նաև վանական համալիրի չափագրման և վերականգման աշխատանքների համար թույլտվություն ստանալու նպատակով պետք է դիմել Մուշի նահանգային հատուկ վարչություն, որի հաշվեկշռում է գտնվում եկեղեցին:
Դաղջըն հայնտել է, որ իրենց կազմակերպությունը եկեղեցու վերանորոգման համար անհարժեշտ բոլոր իրավական գործընթացները շարունակելու է: «Մշո սուրբ Կարապետ հայկական վանական համալիրում 48 տան և 6 խոտամբարի գոյությունը հայ համայնքի աղոթատեղիի, մեր եկեղեցու նկատմամբ վիրավորանք է: Ոչ մի մարդ էակ չի կարող ընդունել այդ վիրավորանքը»,-ասել էր հայկական միության ղեկավարը:
Հիշեցնենք, որ Դաղջըն իր ղեկավարած կազմակերպության անունից 2015 թվականի մայիսին դիմում էր ներկայացրել Թուրքիայի մշակույթի և զբոսաշրջության, ինչպես նաև ներքին գործերի նախարարություններին Մշո Յուքարըյոնգալը գյուղում գտնվող Սուրբ Կարապետ հայկական եկեղեցու տարածքն այնտեղ գտնվող տներից ազատելու և վանքի վերանորոգման աշխատանքներն իրականացնելու համար:
Այս ենթաբաժնի վերջին նորությունները
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Պատարագի մատուցման նախապատրաստական աշխատանքներն ընթացքի մեջ են։
Ֆիլմի մի մասը նկարահանվել է Թուրքիայի Նիղդե նահանգում և Կապադովկիայում:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ստեղծագործության տեսահոլովակը նկարահանվել է Ստամբուլի Բեշիքթաշի Սուրբ Աստվածածին հայկական եկեղեցում:
Իսրայելի զինված ուժերում շուրջ 20 տարի ծառայած, այժմ Երուսաղեմի ռազմավարության և անվտանգության ինստիտուտը ղեկավարող Էրան Լերմանը խոսել է Իսրայել-Թուրքիա հնարավոր առճակատման մասին։
2025-ի հուլիսի տվյալներով՝ միլիոնատերերի թիվը 1 տարվա ընթացքում ավելացել է 775 հազարով՝ հասնելով 2․367000-ի։
Իսրայելական մամուլը գրում է, որ Իսրայելի ազգային անվտանգության նախարարին ցանկացել են սպանել Թուրքիայից ստացված հրամանի հիման վրա։
Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |