Թուրքիայի ոչ մահմեդական քաղաքացիների 15%-ը վիրավորանքներ է ստանում սոցցացներում գրառումներ անելիս

Հասարակական19:35, 10 Հունիս 2015

Թուրքիայի ոչ մահմեդական քաղաքացիների 15%-ը վիրավորանքներ է ստանում սոցցացներում գրառումներ անելիս

Քաղաքական ու սոցիալական հետազոտություններով զբաղվող թուրքական «KONDA» ընկերությունը Թուրքիայում ոչ մահմեդական փոքրամասնությունների շրջանում հարցում է անցկացրել` պարզելու թե ինչպես ու ինչքան են նրանք օգտվում սոցիալական ցանցերից:

Ընկերության տնօրեն Բեքիր Աղըրդըրը մամուլի ասուլիսի ժամանակ ներկայացրել է ուսումնասիրության արդյունքները: Հարցման մասնակիցների միայն 21 տոկոսն է ասել. «Ազատորեն գրառումներ եմ կատարում, առանց անհանգստության»: Մասնակիցների 41 տոկոսն ասել է, որ երբեմն անհանգստություն է ունենում սոցցանցերում գրառումներ կատարելիս, 15 տոկոսն ամաչում է և հաճախ չի կիսվում իր մտքերով, իսկ 23 տոկոսն էլ ընդհանրապես գրառում չի կատարում, պարզապես հետևում է զարգացումներին:

Սոցմեդիայում կարծիք հայտնող զզգային փոքրամասնությունների ներկայացուցիչների 15 տոկոսը գրառումների պատճառով վիրավորանքներ է ստանում, 14 տոկոսը նվաստացվում է, 8 տոկոսը հայհոյանքներ, իսկ 6 տոկոսը սպառնալիքներ է ստանում:

Չնայած հայակական համայնքից հարցմանը մասնակիցների թիվը փոքր է եղել, այնուամանայնիվ, պարզվել է, որ ամենաշատ կարդացվող լրատվամիջոցը հայկական «Ակոս» շաբաթաթերթն է: Երկրորդը «Շալոմ» թերթն է, ապա հաջորդաբար «Փարոս»-ը, «Մարմարա»-ն, «Ժամանակ»-ը և այլն:

Հարցմանը մասնակցել է 746 հոգի, որոնցից 34.5 տոկոսը եղել է հրեա, 26.9 հայ, 18 տոկոսը ասորի և 15 տոկոսը հույն: Հարցման մասնակիցների մեջ եղել են և՛ աթեիստներ, և՛ թեիստներ, և՛ագնոստիկներ:

Աղբյուր` Ermenihaber.am

Այս ենթաբաժնի վերջին նորությունները

14:53, 13 մայ

Հնդիկ վաճառականները կրպակներից հեռացնում են թուրքական ապրանքները (Տեսանյութ)

Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։