Թուրքիայում մեկնարկել են «Անատոլիական արծիվ» խորագրով լայնամաշտաբ զորավարժությունները

Տարածաշրջան16:20, 10 Հունիս 2015

Թուրքիայում մեկնարկել են «Անատոլիական արծիվ» խորագրով լայնամաշտաբ զորավարժությունները

Թուրքիայի Քոնյա քաղաքում հունիսի 8-ին մեկնարկել է «Անատոլիական արծիվ - 2015/1» խորագրով լայնամաշտաբ զորավարժությունները: Ըստ թուրքական «Hurriyet»-ի՝ զորավարժություններին մասնակցում են ՆԱՏՕ-ի (Հյուսիսատլանտյան դաշինք), ԱՄՆ-ի Թուրքիայի, Գերմանիայի, Անգլիայի, Իսպանիայի և Պակիստանի ռազմաօդային, ցամաքային և ռազմածովային ուժերը:

ԱՄՆ-ն օդուժի զորավարժություններին ներկայացված կլինի F-15 տիպի 12 կործանիչով, Գերմանիան՝ A-310 տիպի 1 ռազմական ինքնաթիռով, Անգլիան՝ EF-2000 տիպի 6 ռազմական ինքնաթիռով, Իսպանիան՝ F-18 տիպի 6 ռազմական ինքնաթիռով, իսկ Պակիստանը F-16 տեսակի 6 կործանիչով:

Իսկ ահա ՆԱՏՕ-ից օդուժի զորավարժություններին կմասնակցի E-3A տիպի 1 ինքնաթիռ, F-4E 2020 տիպի 12 կործանիչ, F-16 տիպի 42 ռազմական ինքնաթիռ, KC-135 տիպի վառելիք փոխադրող 1 ինքնաթիռ, երկու CN-235 տիպի ռազմական ինքնաթիռ, մեկ AS-532 տիպի ռազմական ուղղաթիռ, ինչպես նաև E-7T տիպի ռազմական ինքնաթիռ:

Ցամաքային զորավարժություններին ՆԱՏՕ-ն ներկայացված կլինի 2 T129 (ATAK) և S-70 ռազմական ուղղաթիռներով, իսկ ծովային զորավարժություններին ՆԱՏՕ-ն գործի կդնի երեք ժամանակակից ռազմանավ:

Զորավարժություններն ացկացվում են փորձի փոխանակման նպատակով:

Նշենք, որ զորավարժության դիտորդի կարգավիճակով մասնակցելու են, Ադրբեջանը, Բրազիլիան, Դանիան, Ինդոնեզիան, Էստոնիան, Մարոկոն, Ճապոնիան, Քաթարը, Հարավային Կորեայի Հանրապետությունը, Կոսովոն, Լիբանանը, Մալազիան, Մոլդովան , Մոնղոլիան, Ռումինիան, Սենեգալը, Սլովակիան, Սլովենիան, Չիլին, Թաջիկիստանը, Թունիսը, Օմանը:
Զորավարժություննեը կավարտվեն հունիսի 19-ին:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: