ERMENI HABER AJANSI

Թուրքիայում տեղի ունեցած խոհրդարանական ընտրությունների արդյունքում ավելացել է կին պատգամավորների թիվը Թուրքիայիազգային մեծ ժողովում (ԹԱՄԺ-TBMM):  Ինչպես տեղեկացնում է թուրքական «Milliyet»-ը, ներկայիս գումարման խորհրդարանում պատգամավորական մանդատ կունենա իգական սեռի 96 ներկայկացուցիչ` տարբերություն նախորդ 76-ի: Նրանցից մեկը` ժողովրդահանրապետականների կողմից առաջադրված տկն Սելինա Օզուզուն Դողանն է, ով հայկական ծագում ունի:

Ըստ թուրքական «Milliyet» պարբերականի` ընտրությունների արդյունքում իշխող «Արդարություն և զարգացում» (ԱԶԿ-AKP) կուսակցությունը Թուրքիայի խորհրդարանում ներկայացված կլինի 41 կին պատգամավորներով, քրդամետ «Ժողովուրդների դեմոկրատական կուսակցությունը» (HDP-ԺԴԿ) կունենա 31 կին պատգամավոր, Թուրքիայի գլխավոր ընդդիմադիր ուժ հանդիսացող «Ժողովրդահանրապետական կուսակցությունը» (ԺՀԿ-AKP)` 20, իսկ «Ազգայնական շարժում կուսակցությունը» (ԱՇԿ-MHP)` 4 կին պատգամավոր:

Ընտրությունները նաև նշանավորվել են, նրանով, որ բացի ազգությամբ հայ պատգամավորներ Գարո Պայլանից, Սելինե Դողանից և Մարգար Եսայանից, Թուրքիայի խորհրդարանում կլինեն նաև ազգությամբ եզդի և ասորի պատգամավորներ: Վերջիններս պատգամավորի թեկնածու էին առաջադրվել ԺԴԿ-ի կողմից:

Իշխող կուսակցությունից ընտրված 27-ամյա Ֆաթմա Գյուլերը դարձել է Թուրքիայի խորհրդարանի ամենաերիտասարդ կին պագամավորը: Նա միևնույն ժամանակ սովորում է Թուրքիայի Ստամբուլի համալսարանի պատմության ֆակուլտետում: