Գյուլենը մեկնաբանել է մեջլիսի ընտրությունները` Էրդողանին համեմատելով փարավոնի հետ

Հասարակական11:34, 08 Հունիս 2015

Գյուլենը մեկնաբանել է մեջլիսի ընտրությունները` Էրդողանին համեմատելով փարավոնի հետ

Գյուլենական շարժման առաջնորդ և իսլամի հայտնի քարոզիչ ամերիկաբնակ Ֆեթուլահ Գյուլենը, ով առճակատման մեջ է գտնվում Թուրքիայի ներկայիս իշխանությունների ու մասնավորապես երկրի նախագահ Էրդողանի հետ, մեկնաբանել է հունիսի 7-ին Թուրքիայում տեղի ունեցած 25-րդ խորհրդարանական ընտրությունների արդյունքները:

Թուրքական «Sozcu» լրատվականի տեղեկացմամբ` Գյուլենը իր մեկնաբանությունը հասցեագրել է Էրդողանին` նրան համեմատելով փարավոնի հետ:

«Պատմական գիտակցություն և խաղաղության ոգի» անվամբ ուղերձում, Գյուլենը մասնավորապես նշել է, նշել է, որ ոչ մեկ հավերժ բազմած չի մնում աթոռին, այսօր իշխանության գահին բազմած մարդիկ, վաղը կարող են իշխանազրկվել:

«Ովքեր այսօր զոհաբերում են սեփական ժողովրդին, վաղը իրենք են զոհաբերվելու: Փարավոնը նույնպես իրեն շատ ուժեղ էր համարում: Սակայն Մովսես առաքյալը նրան պարտության մատնեց: Փարավոնը զղջած իր արարքների համար, բայց արդեն ուշ էր»,- իր ուղերձում նշել է Գյուլենը:

Աղբյուր` Ermenihaber.am