Տարածաշրջան08:14, 08 Հունիս 2015
Քրդամետ կուսակցությունը կոալիցա չի կազմի Թուրքիայի իշխանական կուսակցության հետ
Թուրքիայի քրդամետ ընդդիմադիր «Ժողովուրդների դեմոկրատական կուսակցության» (ԺԴԿ – HDP) համանախագահ Սելահաթթին Դեմիրթաշը հայտարարել է, որ իրենք իշխող «Արդարություն և զարգացում» կուսակցության (ԱԶԿ- AKP) հետ ոչ մի դեպքում կոալիցիա չեն կազմի:
Այս մասին, ըստ թուրքական «Haberler» լրատվակայքի, Դեմիրթաշը հայտնել է կուսակության ստամբուլյան գրասենյակում կազմակերպված մամլո ասուլիսի ժամանակ: Նա նաև նշել է, որ թեև նախընտրական քարոզարշավը բոլորովին ժողովրդավարական պայմաններում չի անցել, բայց Թուրքիայի աղքատ և աշխատավոր զանգվածը հրաշալի հաղթանակ է տարել իշխող կուսակցության նկատմամաբ, որն օգտագործում էր իր բոլոր վարչական ռեսուրսները:
Դեմիրթաշն ընդգծել է, որ այս հաղթանակը Թուրքիայի բոլոր թուրքերի, քրդերի, բոլոր ազգային փոքրամասնությունների, բոլոր ճնշվածների, ընդհանուր առմամբ բոլոր ձախերի, և հատկապես բոլոր կանանց համատեղ հաղթանակն է:
«Մենք տեր ենք բոլոր այն խոստումներին, որ տվել ենք հարթակներում և հրապարակներում: ԺԴԿ-ն արդեն իրապես Թուրքիայի կուսակցությունն է: Թուրքիան ԺԴԿ-ն է, ԺԴԿ-ն՝ Թուրքիա: Թուրքիայում նախագահական համակարգի, դիկտատորության թեման այլևս փակված է: Թուրքիան անդունդի եզրից ետ շրջվեց:
Այս հաղթանակը միայն ԺԴԿ-ինը չէ, ողջ Թուրքիայինն է: Հաջորդ շրջանում պայքարելու ենք միանձնյա իշխանության գալու համար»,- տեղեկացրել է Դեմիրթաշը:
Այս ենթաբաժնի վերջին նորությունները
Էրդողանն ասել է, որ Թուրքիան կշարունակի հյուրընկալել բանակցությունները Ստամբուլում, երբ բանակցող կողմերը կորոշեն հարմար ժամկետներ։
Ահմեդ ալ-Շարան խոսել է Իսրայելի կողմից Դամասկոսի վրա իրականացրած օդային հարձակումներից։
Թուրքիայի նախագահը նշել է, որ շարունակում են աջակցել Հարավային Կովկասում կայուն խաղաղություն հաստատելու ջանքերին։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանն ասել է, որ Թուրքիան կշարունակի հյուրընկալել բանակցությունները Ստամբուլում, երբ բանակցող կողմերը կորոշեն հարմար ժամկետներ։
ՔԲԿ-ի զինյալների առաջին խումբը հուլիսի 11-ին էր Իրաքյան Քուրդիստանի Սյուլեյմանիե քաղաքում զենքերը հանձնել թուրքական կողմին։
Ըստ Ֆրիդրիխ Մերցի՝ վաճառքի թույլտվության գործընթացը դրական ընթացքի մեջ է:
Վիզաները կտրվեն ավելի երկար ժամկետով և բազմակի մուտքով։
Մոսկվայում կայացած ամենշաբաթյա մամուլի ասուլիսում Զախարովան անդրադարձել է ռուս-ուկրաինական բանակցային գործընթացին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |