Իգդիրից հետո նաև Մերսինում են կանայք մեջքով շրջվել Էրդողանին` ի նշան բողոքի

Հասարակական09:58, 04 Հունիս 2015

Իգդիրից հետո նաև Մերսինում են կանայք մեջքով շրջվել Էրդողանին` ի նշան բողոքի

Թուրքիայի Մերսին քաղաքում նախագահ Էրդողանի հանրահավաքից րոպեներ առաջ հավաքված կանայք մեջքով են շրջվել Էրդողանին` այդ կերպ փորձելով արտահայտել իրենց բողոքը:

Ավելի վաղ Իգդիրի հանրահավաքի ժամանակ Էրդողանին թիկունք դարձրած կանանց վերաբերյալ նրա մեկնաբանություններն առարկող կանայք Մերսինում մեծ պաստառ են պահել իրենց հետևում, որի վրա գրված է եղել. «Չենք հանդուրժում կանանց դեմ ուղղված Ձեր թշնամական քաղաքականությանը, արտահայտություններն ու մոտեցումները: # թիկունք են դարձնում ձեզ»:

Ըստ «demokrat haber» լրատվականի տեղեկացման` նշյալ կանայք վանկարկել են նաև հետևյալ կարգախոսները` «Չենք հաշտվելու ձեր ուժի հետ», «Կանանց կյանքին ազատություն»: Կանանցից մեկն էլ կարճ հայտարարություն է արել մամուլի համար: Հայտարարությունից հետո ակտիվիստ կանայք ծափահարությունների ներքո հեռացել են:

Նշենք, որ Էրդողանը Իգդիրի հանրահավաքի ժամանակ իրեն մեջքով կանգնած կանաց վերաբերյալ ասել էր, որ եթե այդ կանայք անգամ աննշան քաղաքավարություն ու հարգանք ունեն կամ ընդունակություն, ապա քաղաքականության տեղը խորհրդարանն է: Վերջինս կանանց հասցեին ավելացրել էր նաև, որ նրանք այդպիսի էթիկայի մեջ չտեղավորվող մեթոդներով ոչնչի չեն հասնի:

Էրդողանի այս հայտարարության կապակցությամբ դժգոհության արձագանքներ եղան մի շարք կանանց միություններից և կանայք սկսեցին «Թիկունք են դարձնում ձեզ» ակցիան:

Աղբյուր` Ermenihaber.am