«Իսլամական պետության» ահաբեկիչները մոտենում են Թուրքիայի սահմանին

Տարածաշրջան08:06, 04 Հունիս 2015

«Իսլամական պետության» ահաբեկիչները մոտենում են Թուրքիայի սահմանին

Սիրիայում շարունակվող բախումները գնալով ավելի ընդգրկուն են դառնում և մոտենում Թուրքիայի սահմանին: Թուրքական իշխանամետ «Akşam» թերթի կայքը գրում է, որ սահամանագծի վերահսկողությունը Սիրիայում հակամարտող կողմերի համար կարևոր նշանակություն ունի, քանի որ այն թույլ կտա երկրի ներքին շրջաններ տանող ճանապարհները հսկողության տակ պահել և անհրաժեշտության դեպքում խոչընդոտել այդ շրջաններ փոխանցվող օգնությունները:

Թուրքիայի հետ սահմանակից բնակավայրերի վրա լայնածավալ հարձակում սկսած «Իսլամական պետություն» (ԻՊ) ահաբեկչական կազմակերպությունն արդեն հասցրել է մեկ կարևոր ավան և մի քանի գյուղեր գրավել: Գրավված գյուղերի բնակչությունը կոտորածից խուսափելու նպատակով շարժվում է դեպի Թուրքիայի սահման` այն հատելու նպատակով:

Երեկ թուրք-սիրիական Օնջուփընար սահմանակետով, որն ապրիլց փակ էր, թույլ է տրվել 350 սիրիացու մուտքը Թուրքիա: Վերջիններս արդեն մի քանի օր է, ինչ սպասում էին սահմանին:

Թուրքիայի Շանլըուրֆայի նահանգապետը հայտարարել է, որ բախումների հետևանքով արդեն դատարկվել է Թուրքիային սահմանակից սիրիական 5 գյուղ: «ԻՊ»-ն էլ հայտարարել է, որ հաջորդ թիրախը լինելու է Հալեպից հյուսիս ընկած սահմանային Ազեզ շրջանը, այնուհետև քրդական Աֆրին շրջանը:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: