Հասարակական13:26, 04 Հունիս 2015
Թուրք հոդվածագիր. «Էրդողանը կդառնա՞ Թուրքիայի Պուտինը»
Թուրք հոդվածագիր Նաֆիլե Գոլբասին, հիշելով ժամանակին հոլանդական ձախակողմյան «Volkskrant» թերթի «Էրդողանը կդառնա՞ Թուրքիայի Պուտինը» հոդվածը, որոշել է նույն թեմայի շուրջ իր մտորումները շարադրել: Հոդվածը մասնակի կրճատումներով ներկայացնում ենք ստորև.
«Պուտինի հեղինակության մասին շատ բան կարելի է ասել, սակայն նրա վերաբերյալ հնչեցվող բոլոր դժգոհություններով հանդերձ Պուտինն իր երկրում դեռ շարունակում է սիրված առաջնորդ լինել: Կշիռ ունի: Իսկ Էրդողանի մասին այս պահին դժվար է նույն խոսքերն ասել: Նրա համար արդեն բանը բանից անցել է կարծես:
Գուցեև ամենամեծ հաղթաթուղթը դեռ չի օգտագործել, բայց ԺԴԿ-ի` (քրդամետ «Ժողովուրդների դեմոկրատական» կուսակցություն) ընտրական շեմը հաղթահարելու դեպքում չի բացառվում այս արտահայտությունը. «Եթե չպիտի կարողանամ անել այն, ինչ սիրտս ուզում է, ապա էլ ինչո՞ւ եմ ես այս աթոռին»: Նրա մոտ «կամ ամեն ինչ, կամ ոչինչ» տարբերակն է սովորաբար: Միջինը չկա:
Նախագահական պալատի մասին ենք խոսում, գիտե՞ք, որ տիկին Էմինեի (Էրդողանի կինը) սովորական ջրի բաժակն արժե 340 եվրո:
Վերսալի 4 մեծությունն ունեցող 550 մլն եվրո արժողությամբ պալատի մասին Քըլըչդարօղլուի ասած «զուգարանակոնքերը ոսկուց են» արտահայտությունը բնավ էլ չափազանցություն չէ: Քանի որ ամեն զուգարանի վրա ծախսված գումարը տատանվում է 1600-ից 3300 եվրոի միջև:
Լավ կլիներ պալատում մի հատ էլ հարեմ (կանանոց) հիմներ, բայց…
Եթե Դավութօղլուի մասին խոսենք, ապա կարող եմ ասել, որ նրա ամենամեծ սխալը քաղաքականություն մտնելն էր, առավել ևս ԱԶԿ-ում (Արդարություն և զարգացում կուսակցություն) գործունեություն ծավալելը:
Թուրքիայի քաղաքական վիճակի ու ընտրությունների վերաբերյալ չեմ կարող այնպիսի առանձնահատուկ բան ասել, որ մյուսները չեն ասել: Միայն մարդկանց խնդրում եմ քվեարկելուց առաջ հարցնել իրենք իրենց, թե ինչպիսի Թուրքիայում են ուզում ապրել` հավասա՞ր, ինտեգրվո՞ղ և սոցիալակա՞ն, թե՞ թալանվող, ցնցվող, կրթությունը անտեսող, բոլոր տաղանդները սպանող ու մեկուսացվող հայրենիքում:
Ցանկանում եմ, որ այս թեմայով մտածեն: Բոլորի նման ես էլ սպասում եմ, թե կիրակի օրը ինչ է դուրս գալու քվեատուփերից, քանզի չես կարող իմանալ` ինչ կանի ժողովուրդը:
Քվեատուփերից Գեզիի նման մի անակնկալ, երեսը պարզ մեկը կարող է դուրս գալ:
Այսինքն Դեմիրթաշը:
Ներքին մի ձայն ասում է` Դեմիրթաշը լավն է: Համ էլ հասարակ է: Նույնիսկ կարելի ասել Գեզիից հետո Թուրքիայի միակ հպարտությունն է: Ժողովրդավար, ֆեմինիստ, ձախակողմյան, սոցիալիստ:
Նա է այն մարդը, որ Թուրքիան տանելու է Եվրոպա
Կողմնակալ հոդված ստացվեց, սակայն կարծում եմ առարկություն չի լինի»:
Այս ենթաբաժնի վերջին նորությունները
Նշենք նաև, որ թեմայի շուրջ հայտարարություններ է կատարել նաև Թուրքիայի խորհրդարանում երկու պատգամավորով ներկայացված, ձախակողմյան «Ժողովրդացարական շրջաններ» կուսակցությունը։
Թուրքիայում ՌԴ դեսպանատունն արդեն դիմել է ավիաընկերության ղեկավարությանը պարզաբանումների ստանալու համար։
«Թուրքիայի վիճակագրական ինստիտուտի» տվյալների համաձայն՝ նրանց թիվն ավելին քան 22 մլն է:
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Ermenihaber.am-ը հատուկ հարցազրույց է պատրաստել թյուրքագետ, պատմական գիտությունների թեկնածու Մելինե Անումյանի հետ:
Ermenihaber.am-ը Հայոց ցեղասպանության 109-րդ տարելիցի կապակցությամբ հատուկ հարցազրույց է անցկացրել Հայոց ցեղասպանության թանգարան-ինստիտուտի տնօրենի հետ։
Առաջնահերթ հարցն ուղղակի սա է. հարգանք ցուցաբերել հայ հանրության ցավի, ցեղասպանության կորուստների նկատմամբ...
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Արաբ դիվանագետը նշել է, որ Թուրքիան այդ ծրագիրը ներկայացրել է նաև ԱՄՆ-ին և Իսրայելին, սակայն արաբական շատ երկրներ, այդ թվում Եգիպտոսը, դեմ են արտահայտվել առաջարկին։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |