Թուրքիայի ազգայնական կուսակցության ղեկավարը Էրդողանին. «Հեյ անդաստիարակ, հեյ անօրեն, անբարո…»

Տարածաշրջան12:04, 03 Հունիս 2015

Թուրքիայի ազգայնական կուսակցության ղեկավարը Էրդողանին. «Հեյ անդաստիարակ, հեյ անօրեն, անբարո…»

Թուրքիայում հունիսի 7-ին տեղի ունենալիք ընտրություններին ընդառաջ շարունակվում են նախընտրական հանրահավաքները: Թուրքական «hbrdr.com» կայքի հաղորդմամբ` Քահրամանմարաշում (Մարաշ) ընտրողների հետ հանդիպման ժամանակ Թուրքիայի Ազգայնական շարժում կուսակցության նախագահ Դևլեթ Բահչելին սուր քննադատական խոսքեր է հնչեցրել նախագահ Ռեջեփ Թայիփ Էրդողանի հասցեին:

Ստորև ներկայացնում ենք Էրդողանին ուղղված քննադատություններից առավել ուշագրավ հատվածները.

-Հունիսի 7-ը հայրենի հողերը թողած փախչողներին տեղները ցույց տալու օրն է:

-ԱԶԿ-ի (Արդարություն և զարգացում կուսակցություն) վերջին օրն է, ղեկավարության վերջին շունչն է:

- Ամեն ինչ ամբողջացավ. Ո՞րն էր 1 մլրդ 370 մլն. լիրայի արժողությամբ պալատի կառուցման իմաստը:

- Պալատը դեռ չավարտած թռչող պալատներ (ինքնաթիռ) գնեցին:

- Ամեն օր մեզ հայհոյում է: Ամեն օր սուտ է խոսում, ամեն օր վիրավորում է… Լավ, ո՞վ է այդ անփույթը:

- Հեյ անդաստիարակ, հեյ անօրեն, անբարո…

- Դու հանրապետության նախագահ ես, դու հանրապետության գլուխն ես: Ինչու՞ ես ման գալիս հրապարակից հրապարակ: Ինչու՞ ես մեզանով զբաղվում: Քահրամանմարաշը քեզ վստահեց, ձայն տվեց, ի՞նչ իրավունք ունես նսեմացնել դա:

-Էրդողանը խաղ է, սուտ է, դավաճանություն է, դավադրություն է, թակարդ է, երկերեսանիություն է, դավաճանություն է:

-Էրդողան, դու Ասադի կեղտոտ կրկնօրինակն ես, Փենսիլվանիայի (Գյուլեն) նախկին սիրելին ես, Վաշինգթոնի մշտական ռազմագերին ես, Քանդիլի (ՔԲԿ-PKK) անզիջում առաքյալն ես, հայերի ազգականն ես, թրքության ապրող թշնամին ես:

Աղբյուր` Ermenihaber.am

Այս ենթաբաժնի վերջին նորությունները

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: