ERMENI HABER AJANSI

Տնտեսական համագործակցության և զարգացման կազմակերպության (Organization for Economic Cooperation and Development -OECD) զեկույցի համաձայն Թուրքիան 2015 թվականը սկսել է  տնտեսության զարգացման անկմամբ:

Ըստ կազմակերպության` մոտ օրերս կայանալիք խորհրդարանական ընտրություններն ու աշխարհաքաղաքական առկա լարվածությունը խոչընդոտում են ներդրումների և սպառման ծավալների ավելացմանը, ինչն էլ հենց տնտեսական անկման պատճառն է:

OECD-ի կարծիքով անհրաժեշտ է, որ Թուրքիան  նվազեցնի արտաքին ներդրումներից կախվածությունը  և շարժական կապիտալի հոսքերը, նախատեսվածից բարձր սղաճը: Կազմակերպությունը կարևորել է ներքին պահանջարկի և արտաքին շուկայի հավասարակշռումը՝ նախապատվությունը տալով վերջինին, ինչպես նաև աշխատաշուկայի արդյունավետության  ներուժի ազատականացումը և առողջ մրցակցությունը:

OECD-ն  Թուրքիայի 2015 թվականին տնտեսական աճի ակնկալվող տոկոսային ցուցանիշը 3.1-ից բարձրացրել է 3.2-ի, իսկ 2016 թվականի այց ցուցանիշը 4.0-ից իջեցրել է 3.9-ի:  2015-ին ենթադրվող սղածը 7.4-ից բարձրացրել է 7.5-ի, իսկ 2016-ին այդ ցուցանիշը 6.8-ից  6.7-ի:

OECD-ն վերանայել է համախառն ներքին արդյունքի ցուցանիշները 2015-ի համար  նախնական 5.2-ի փոխարեն սահմանելով  5.1, իսկ  2016-ի համար 5.6-ի փոխարեն 4.9-ը: