Թուրքերի 20.3 տոկոսի կարծիքով Հայաստանը վտանգավոր երկիր է Թուրքիայի համար

Հասարակական07:37, 29 Մայիս 2015

Թուրքերի 20.3 տոկոսի կարծիքով Հայաստանը վտանգավոր երկիր է Թուրքիայի համար

Թուրքական «Քադիր Հաս» համալսարանի հետազոտական կենտրոնի սոցհարցման արդյունքներից պարզվել է, որ Թուրքիայի բնակչության շրջանում տարածված է այն կարծիքը, թե իրենց երկրի համար սպառնալիք ներկայացնող հիմնական երկրները ըստ վտանգավորության հետևյալներն են`

1. Իսրայել   (42.6%)
2. ԱՄՆ   (35.3%)
3. Սիրիա   (22.1%)
4. Հայաստան   (20.3%)

Վերոնշյալ ցուցանիշներն ի հայտ են եկել Թուրքիայի արտաքին քաղաքականության վերաբերյալ հանրային կարծիքի ուսումնասիրությանն ուղղված հարցման արդյունքների ամփոփումից:

Թուրքական «yenimesaj.com.tr» լրատվակայքի տեղեկության համաձայն՝ Թուրքիայի 26 նահանգներում 18+ տարիքային խմբի 1000 քաղաքացու ներկայացվել են Թուրքիայի արտաքին քաղաքականությանը վերաբերող հարցեր: Ըստ հարցաշարին տրված պատասխանների՝ քաղաքացիների 20.3 տոկոսը համարում է, որ Հայաստանը վտանգավոր է Թուրքիայի համար:

Համեմատության համար նշենք, որ 2013թ. նոյեմբերին անցկացված նմանատիպ հետազոտության արդյունքում հարցվողների միայն 7.2 տոկոսն էր Հայաստանին վտանգավոր համարել: Նույն արդյունքների համաձայն՝ Թուրքիայի քաղաքացիների 32.4 տոկոսը համարում է, որ հայ-թուրքական սահմանը չպետք է բացել և ոչ մի պայամանով:

Հետազոտությունը ցույց է տվել նաև, որ հարցվողների 51.9 տոկոսը ԱՄՆ-ի և Թուրքիայի հարաբերությունները բացասական է գնահատում, ընդ որում՝ 32.6 տոկոսը կարծում է, որ Միացյալ Նահանգները Թուրքիայի նկատմամբ գաղութարար քաղաքականություն է վարում:

Թուրքիայի քաղաքացիների 47.6 տոկոսը կարծում է, որ Թուրքիան երբեք էլ չի անդամակցի Եվրամիությանը, իսկ հարցվածների 70 տոկոսը վստահ է, որ կողմնակի ուժերը խանգարում են Թուրքիայի եվրաանդամակցությանը:

Աղբյուր` Ermenihaber.am

Այս ենթաբաժնի վերջին նորությունները

14:53, 13 մայ

Հնդիկ վաճառականները կրպակներից հեռացնում են թուրքական ապրանքները (Տեսանյութ)

Ի պատասխան Պակիստանին ցուցաբերած ակնհայտ աջակցության՝ հնդիկները բոյկոտ են սկսել Թուրքիայի դեմ:

12:20, 13 մայ

Թուրքիայում ծնելիության ցուցանիշը նվազում է

Թուրքիայի վիճակագրական ծառայությունը (TÜİK) հրապարակել է 2024 թվականի ծնելիության տվյալները։

17:38, 08 մայ

Թուրքիայում սոցցանցի ավելի քան 27.000 հաշիվ է արգելափակվել․

Արգելափակումների հիմնական պատճառները եղել են հասարակական կարգը խախտող, ահաբեկչություն քարոզող կամ տարածող, ինչպես նաև ատելության խոսք պարունակող գրառումները։