Հասարակական10:24, 28 Մայիս 2015
«Հեյ նախագահ, աննորմալն ո՞վ է». պոլսահայ լրագրողի հոդվածը
Պոլսահայ հայտնի լրագրող, սյունակագիր Հայկո Բաղդադը թուրքական «Taraf» թերթի կայքում հրապարակված «Հեյ նախագահ, աննորմալն ո՞վ է» վերնագրով հոդվածում անդրադարձել է Թուրքիայի նախագահ Ռեջեփ Թայիփ Էրդողանի քրդամետ «Ժողովուրդների դեմոկրատական» կուսակցության (ԺԴԿ-HDP) վերաբերյալ արած արտահայտությանը` «Այդ կուսակցությունն ինչքան աննորմալ կա, բոլորին հավաքել է»:
Հայկո Բաղդադը հոդվածի նախաբանում նշելով, որ վերջին ժամանակներում դժվարանում է գրել, ավելացնում է, որ գրելու թեմաները կարծես պակասել են.
«Երբեմն մտածում եմ գրել այն մասին, թե ինչպես է նախագահը ամեն օր խախտում սահմանդրության անկողմնակալության հիմքերը, սակայն մտածում եմ, որ հոդվածը դեռ չհրապարակված կարող է կորցնել առօրեականությունը: Երբեմն էլ մտածում եմ գրել այն մասին, թե ինչպես է սուրբ գիրքը ձեռքում ծածանելով ու քաղաքական հակառակորդներին անաստված հայտարարելով, ինչ փորձանքների է մեզ տանում: Բայց այս անգամ էլ մտածում եմ, որ դատարանի առաջ կկանգնեմ: Այդուամենայնիվ Էրդողանի վերջին խոսքերից մեկի վերաբերյալ մեկ-երկու պարբերություն պիտի գրեմ:
Դուրս եկավ հրապարակ և ասաց հետևյալը. «Անջատողական խմբի օրակարգում գտվող այդ կուսակցությունն ինչքան աննորմալ կա, բոլորին հավաքել է»:
Շատ կոնկրետ հարցնում եմ` հեյ նախագահ, ովքե՞ր են ԺԴԿ-ի այդ աննորմալ խմբերը»:
Այնուհետև հեղնակը թվարկել է Թուրքիայում հունիսի 7-ին անցկացվելիք խորհրդարանական ընտրություններին ԺԴԿ-ի ցուցակով առաջադրված թեկնածուներից շատերի անունները, համառոտ տեղեկություններ ներկայացրել յուրաքանչյուրի մասին ու հարցրել, թե ով է նրանցից աննորմալը:
Բաղդադի թվարկած պատգամավորի թեկնածուները հիմնականում ներկայացնում են Թուրքիայում ապրող փոքրամասնությունները. նրանց թվում է նաև հայազգի թեկնածու Գարո Պայլանը:
Պոլսահայ լրագրողն այսպես է եզրափակում է հոդվածը. «Հեյ նախագահ, ու՞մ աննորմալ անվանեցիր, պատասխանի՛ր:
Կամ էլ ուշադրություն մի դարձրու:
Գուցեև ավելի լավ կլինի, որ հունիսի 7-ից հետո այդ մարդկանց հաշիվ տաս»:
Այս ենթաբաժնի վերջին նորությունները
Ըստ India.com-ի՝ այդ հրթիռները կարող են «ոչնչացնել Թուրքիան 6 րոպեում»։
OECD-ի զեկուցի համաձայն, ընտանիքներին աջակցելու համար հատկացնում է ՀՆԱ-ի ընդամենը 0,5%-ը:
Քրեական օրենսգրքի 300-րդ հոդվածը նախատեսում է մեկից երեք տարի ազատազրկում նրանց համար, ովքեր հրապարակայնորեն թուրքական դրոշը պատռելով, այրելով կամ այլ ձևերով վիրավորեն:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մուսա լեռան ստորոտին կառուցված եկեղեցին դարձել է լուսանկարիչների և նորապսակների սիրելի վայրերից մեկը։
Ըստ India.com-ի՝ այդ հրթիռները կարող են «ոչնչացնել Թուրքիան 6 րոպեում»։
Բոսֆորի նեղուցում անցկացվել է «Բոսֆորի 37-րդ լողի մրցույթ», որին մասնակցել է 3000 լողորդ։
Թուրքիայի նախագահը նշել է, որ այդ նախագծի կյանքի կոչման հետ միասին Թուրքիայի, Ադրբեջանի և Հայաստանի միջև տնտեսական համագործակցությունը նոր մասշտաբ կստանա:
Մասնագետներն ահազանգում են, եթե անհրաժեշտ միջոցներ չձեռնարկվեն, ապա կենցաղային և տնտեսական լուրջ խնդիրներ ի հայտ կգան:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |